നവാഗത സംവീധായകർ നാസർ ഇരിമ്പിളിയം സംവിധാനം ചെയ്യുന്ന “Mahal - In the Name of Father” എന്ന ചിത്രത്തിന്റെ സ്വിച്ച് ഓൺ കർമ്മം തിങ്കളാഴ്ച വളാഞ്ചേരിയിൽ സംവീധായകൻ ലാൽജോസ് നിർവ്വഹിച്ചു. കെ ടി ജലീൽ എം എൽ എയാണ് ചിത്രത്തിൻ്റെ ടൈറ്റിൽ പ്രകാശനം നിർവഹിച്ചത്. ഐ മാക് ക്രിയേഷൻസിൻ്റെ ബാനറിൽ നാസർ ഇരിമ്പിളിയം സംവിധാനം നിർവഹിക്കുന്നചിത്രത്തിൻ്റെ തിരക്കഥ ഡോ. ഹാരിസ് കെ.ടിയുടേതാണ്.ഷഹീൻ സിദ്ദീക്കും ഉണ്ണി നായരും പ്രധാനവേഷത്തിൽ അഭിനയിക്കുന്നു.
പെരുമ്പിലാവ്: കൊരട്ടിക്കരയിൽ ബൈക്ക് ഇടിച്ച് പരിക്കേറ്റ് ചികിത്സയിലായിരുന്നകൊരട്ടിക്കരസ്വദേശി കാരയിൽ അഹമ്മദ് (70) ആണ് മരണപ്പെട്ടത്. ചൂണ്ടൽ കുറ്റിപ്പുറം സംസ്ഥാന പാതയിലെ കൊരട്ടിക്കര പെട്രോൾ പമ്പിന് സമീപം ശനിയാഴ്ച രാത്രി 7 മണിയോടെ കൂടെയാണ് അപകടം സംഭവിച്ചത്. കടയിൽ നിന്നും സാധനങ്ങൾ വാങ്ങി റോഡ് ക്രോസ് ചെയ്യുമ്പോൾ കുന്നംകുളം ഭാഗത്ത് നിന്നുംവന്നിരുന്ന ബൈക്ക് അഹമ്മദിനെ ഇടിക്കുകയായിരുന്നു. അപകടത്തിൽ ബൈക്ക് യാത്രികനും പരിക്കേറ്റു.റോഡിൽ തെറിച്ചു ഇരുവരെയും നാട്ടുകാർപെരുമ്പിലാവ് അൻസാർ ആശുപത്രിയിൽ പ്രവേശിപ്പിച്ചെങ്കിലും പരിക്ക് ഗുരുതരമായതിനാൽ തൃശൂർജൂബിലി മിഷൻ ഹോസ്പിറ്റലിലേക്ക് മാറ്റി. ചികിത്സയിലായിരുന്ന അഹമ്മദ് ഇന്ന്ഉച്ചയോടെയാണ് മരണപ്പെട്ടത്ഗുരുതരമായി പരിക്കേറ്റ ബൈക്ക്യാത്രികനായ എടപ്പാൾ സ്വദേശിയായ യുവാവിന് ബോധം വീണ്ടെടുക്കാൻ സാധിച്ചിട്ടില്ല. മരണപ്പെട്ട അഹമ്മദ് കൊരട്ടിക്കര ഗവ. യു.പി സ്കൂളിൽ ദീർഘകാലം പ്യൂണായി സേവനമനുഷ്ഠിച്ചിരുന്നു. ഭാര്യ: ഹാജിറ (റിട്ടയർ അധ്യാപിക കൊരട്ടിക്കര ഗവ. യു. പി സ്കൂൾ ) .മക്കൾ :അക്ബർ , ലാൽബഹദൂർ (പോലീസ് ഓഫീസർ ), ആശ.
എടപ്പാൾ: ബി.ജെ.പി എടപ്പാൾ പഞ്ചായത്ത് കമ്മറ്റി ലഹരിമോചന സായാന സദസ്സ് സംഘടിപ്പിച്ചു. രവിതേലത്ത് ഉദ്ഘാടനം ചെയ്തു. വിവേകാനന്ദൻ കോലത്ത് അദ്ധ്യക്ഷത വഹിച്ചു. വി.ടി ജയപ്രകാശൻ മാസ്റ്റർ, പി സിനാരായണൻ.വി.പി വിദ്യാധരൻ,എം.നടരാജൻ, അശോകൻ വട്ടംകുളം .പി.കെ സുരേഷ്ബാബു,സതീശൻ കാലടി, ബാലൻ കണ്ണത്ത് എന്നിവർ പ്രസംഗിച്ചു ഇ ശിവകുമാർ സ്വാഗതവും ഷാജു വല്യാട് നന്ദിയും പറഞ്ഞു.
എടപ്പാൾ: ഉദിനിക്കര നാട്ടുകൂട്ടം പൗരസമിതിയുടെ നേതൃത്വത്തിൽ പ്രദേശത്തെ യുവ ഡോക്ടര്മാരെആദരിച്ചു. ഡോ: ആദർശ് BAMS - MD, ഡോ: മഷ്ഹൂഖ് ബിൻ അസീസ് MBBS, ഡോ: സംഗീത്ശ്രീനിവാസന് BAMS - IYC എന്നിവരെയാണ് ആദരിച്ചത്. പൊന്നാനി ബ്ലോക്ക് പഞ്ചായത്ത്പ്രസിഡന്റ് സി രാമകൃഷ്ണന് ഉദ്ഘാടനം നിര്വഹിച്ചു. യു എം ഗിരീഷ് (GHSS Edappal Retd HM) അദ്ധ്യക്ഷത വഹിച്ചു.. ജില്ലാ പഞ്ചായത്ത് മെമ്പർ അഡ്വക്കേറ്റ് പി പി മോഹൻ ദാസ് കെ കുമാരൻ (E D N Department Retd) തുടങ്ങിയവർ സംസാരിച്ചു.
തിരുവനന്തപുരം ∙ പാറശാലയിൽ കഷായവും ജൂസും കുടിച്ചതിനെത്തുടർന്ന് ബിഎസ്സി വിദ്യാർഥിഷാരോൺ രാജ് ദുരൂഹ സാഹചര്യത്തിൽ മരിച്ചത് കൊലപാതകമെന്നു തെളിഞ്ഞു. ഷാരോണിന്കഷായത്തിൽ വിഷം കലർത്തി നൽകിയതായി വനിതാ സുഹൃത്ത് ഗ്രീഷ്മ പൊലീസിനു മുന്നിൽകുറ്റസമ്മതം നടത്തി. രണ്ടാം വർഷ എംഎ വിദ്യാർഥിനിയാണ് ഗ്രീഷ്മ. ഫെബ്രുവരിയിൽ വിവാഹം നിശ്ചയിച്ചിരുന്നതിനാൽ അതിനു മുന്നോടിയായി ഷാരോണിനെഒഴിവാക്കുകയായിരുന്നു കൊലപാതകത്തിന്റെ ഉദ്ദേശ്യം. കോപ്പർ സൾഫേറ്റ് എന്ന വിഷാംശമാണ്കഷായത്തിൽ കലർത്തി നൽകിയതെന്നാണ് വിവരം. വിഷം നൽകുന്നതിനു മുൻപ്വിശദാംശങ്ങൾക്കായി ഗ്രീഷ്മ ഇന്റർനെറ്റിൽ തിരഞ്ഞതായും സൂചനയുണ്ട്. ഗ്രീഷ്മയുടെ അറസ്റ്റ്ഉടനുണ്ടാകും. അന്വേഷണ വിവരങ്ങൾ അറിയിക്കുന്നതിനായി എഡിജിപി എം.ആർ.അജിത്കുമാർഉടനെ മാധ്യമങ്ങളെ കാണും. പാറശാല പൊലീസിൽനിന്ന് ഇന്നലെ അന്വേഷണം ഏറ്റെടുത്ത ജില്ലാ ക്രൈംബ്രാഞ്ച് പെൺകുട്ടിയെഇന്ന് സുദീർഘമായി ചോദ്യം ചെയ്തിരുന്നു. ഏതാണ്ട് എട്ടു മണിക്കൂറോളമാണ് വനിതാസുഹൃത്തിനെ ചോദ്യം ചെയ്തത്.
കുമരനല്ലൂർ: തൃത്താല വിദ്യഭ്യാസ ഉപജില്ല കായിക മേളയുടെ ലോഗോ പ്രകാശനം ചെയ്തു. നവ. 9.10, 11 തിയ്യതികളിൽ കുമരനല്ലൂർ ഗവ. ഹെയർ സെക്കണ്ടറി സ്കൂളിലാണ് കായിക മൽസരം. കുമരനല്ലൂർ സ്കൂളിൽ നടന്ന ചടങ്ങിൽ ഗ്രാമ പഞ്ചായത്ത് അധ്യക്ഷൻ കളത്തിൽ ഷറഫുദ്ദീൻതൃത്താല ഉപജില്ല വിദ്യഭ്യാസ ഓഫീസർ പി വി സിദ്ദീഖിന് ലോഗോ കൈമാറി. ടി. ഷിഹാബുദ്ദീൻ കുമ്പിടിയാണ് ലോഗോ രൂപകൽപന ചെയ്തത്. പിടിഎ പ്രസിഡന്റ് യു മാധവൻകുട്ടി അധ്യക്ഷനായി. പ്രിൻസിപ്പാൾ ആർഡി മൃദുല, പ്രധാനധ്യാപിക സി.കെ സുനിത, അലികുമരനല്ലൂർ, സിഎം അലി, കെ. നൂറുൽ അമീൻ, എസ് വി ശുഭശ്രീ, രമേഷ് വേളത്ത്, മനോജ്പലാശ്ശേരി എം.എ. നവാബ്, സി ഷരീഫ് തുടങ്ങിയവർ പങ്കെടുത്തു.
എടപ്പാൾ: എടപ്പാൾ മേൽപ്പാലത്തിൽ കാറും ബുള്ളറ്റ് ബൈക്കും കൂട്ടിയിടിച്ചുണ്ടായ അപകടത്തിൽനാല് പേർക്ക് പരിക്കേറ്റു.രാത്രി എട്ടരയോടെയാണ് അപകടം ഉണ്ടായത്. പരിക്കേറ്റവരെ എടപ്പാളിലെസ്വകാര്യ ആശുപത്രിയിൽ പ്രവേശിപ്പിച്ചു.
എടപ്പാൾ: എടപ്പാൾ ടൗണിൽ പടക്കം പൊട്ടിച്ച് ഭീതി പരത്തിയ സംഭവത്തിൽ പിടിയിലായവരുമായി പോലീസ് തെളിവെടുപ്പ് നടത്തി. എടപ്പാൾ റൗണ്ട് എബൗട്ടിന് സമീപത്തും, പടക്കം വാങ്ങിയ സ്ഥലത്തും എത്തിച്ചാണ് തിരൂർ ഡിവൈഎസ്പി ബെന്നി, ചങ്ങരംകുളം എസ് ഐരാജേന്ദ്രൻ നായർ തുടങ്ങിയവരുടെ നേതൃത്വത്തിൽ തെളിവെടുപ്പ് നടത്തിയത്.
വട്ടംകുളം: ലഹരി മുക്ക കേരളം ലഹരിവിരുദ്ധ ബോധവത്കരണ തീവ്രയജ്ഞ പരിപാടിയുടെഭാഗമായി നവംബർ 1ന് സംഘടിപ്പിക്കുന്ന " ലഹരിക്കെതിരെ ജനകീയ പ്രതിരോധ മതിൽ " പരിപാടിയുടെ വട്ടംകുളം പഞ്ചായത്ത്തല ലഘുലേഖ പ്രകാശനം വട്ടംകുളം സി പി ൻ യു പി സ്കൂളിൽഎക്സൈസ് റേഞ്ച് ഇൻസ്പെക്ട്രർ സനീഷ് നിർവ്വഹിച്ചു വട്ടംകുളം പഞ്ചായത്ത് പ്രസിഡൻ്റ്കഴുങ്കിൽ മജീദ് അധ്യക്ഷം വഹിച്ചു വാർഡ് മെമ്പർ എം.എ.നജീബ്, പഞ്ചായത്ത് ആസൂത്രണ സമിതിചെയർമാൻ ഇബ്രാഹിം മൂതൂർ ഹെഡ്മിസ്ട്രസ് ലളിത - സി, പി.ടി എ പ്രസിഡൻ്റ് എം.എ നവാബ്മുഹമ്മദലി, സ്റ്റഫ് സെക്രട്ടറി സജി സി എന്നിവർ പ്രസംഗിച്ചു.
തണ്ണീർക്കോട് : കേന്ദ്രഗവൺമെന്റ് പദ്ധതികൾ അട്ടിമറിക്കാനുള്ള ഇടത് -വലത് മുന്നണികളുടെരാഷ്ട്രീയ ഗൂഡാലോചനക്കെതിരെ ഭാരതീയജനതാപാർട്ടി കപ്പൂർ മണ്ഡലം കമ്മറ്റി പതിനാറോളം കേന്ദ്രങ്ങളിൽപ്രഖ്യാപിച്ചിട്ടുള്ള സമരജ്വാലയുടെ ഭാഗമായി കപ്പൂർ പഞ്ചായത്ത് കമ്മറ്റിയുടെ നേതൃത്വത്തിൽ കാഞ്ഞിരത്താണിയിൽ പ്രതിഷേധ ധർണ്ണസംഘടിപ്പിച്ചു. ബിജെപി മധ്യമേഖല ട്രെഷറർ അഡ്വ. മനോജ് ഉദ്ഘാടനം നിർവഹിച്ചു. ബിജെപി കപ്പൂർ പഞ്ചായത്ത് പ്രസിഡന്റ് മണികണ്ഠൻ പി അധ്യക്ഷത വഹിച്ചയോഗത്തിൽ കപ്പൂർമണ്ഡലം പ്രസിഡന്റ് ദിനേശൻ എറവക്കാട് മുഖ്യപ്രഭാഷണം നടത്തി. രതീഷ് തണ്ണീർക്കോട്, കെ.സി. കുഞ്ഞൻ, വിഷ്ണു മലമൽക്കാവ്, കൃഷ്ണൻ കുട്ടി, ബാലചന്ദ്രൻകാഞ്ഞിരത്താണി, സിദ്ധാർത്ഥൻ പി, ബാലകൃഷ്ണൻ പി, പ്രേമൻ ടി പി, സുരേന്ദ്രൻ ടീവിതുടങ്ങിയവർ പങ്കെടുത്ത് സംസാരിച്ചു.