മഞ്ചേശ്വം മണ്ഡലത്തിലെ പൈവളിഗയിലാണ് ജനസദസിന്‍റെ ഉദ്ഘാടനം. നവകേരളബസിലെത്തിയ മുഖ്യമന്ത്രി പിണറായി വിജയനെയും മന്ത്രിമാരും വാദ്യഘോഷങ്ങളോടെയാണ്ഉദ്ഘാടന വേദിയിലേക്ക് ആനയിച്ചത്. മുഖ്യമന്ത്രിയേയും മന്ത്രിമാരേയും തലപ്പാവ് അണിയിച്ചാണ്വേദിയില്‍ സ്വീകരിച്ചത്. ജനങ്ങളിൽ നിന്ന് നിർദേശങ്ങൾ സ്വീകരിക്കാനും അവരുടെ പരാതികൾക്ക് പരിഹാരം കാണാനുംമുഖ്യമന്ത്രിയും 20 മന്ത്രിമാരും ഒരു ബസിൽ 140 നിയോജക മണ്ഡലങ്ങളിലും എത്തുന്നതാണ്‘നവകേരള സദസ്’. മുഖ്യമന്ത്രിയും മന്ത്രിമാരും കേരളത്തിലെ 140 മണ്ഡലങ്ങളിലും നവകേരളസദസിന്റെ ഭാഗമായി പര്യടനം നടത്തും. വിവിധ ജില്ലകളിലെ പരിപാടികൾ പൂർത്തിയാക്കി ഡിസംബർ23 ന് വൈകിട്ട് ആറിന് തിരുവനന്തപുരം വട്ടിയൂർക്കാവിലാണ് നവകേരള സദസിന്‍റെ സമാപനം. സാമ്പത്തിക പ്രതിസന്ധിക്കിടയിലും ധൂര്‍ത്താണെന്ന് ആരോപിച്ച് യുഡിഎഫ് നവകേരളസദസ്ബഹിഷ്കരിക്കുകയാണ്.

എടപ്പാൾ: തവനൂർ മണ്ഡലത്തിലെ നവകേരള സദസ്സിന്റെ മുന്നൊരുക്കങ്ങൾ വിലയിരുത്തുന്നതിന്ഡോ. കെ.ടി ജലീൽ എം.എൽ.എയുടെ അധ്യക്ഷതയിൽ അവലോകന യോഗം ചേർന്നു. പൊന്നാനിബ്ലോക്ക് പഞ്ചായത്ത് ഹാളിൽ ചേർന്ന  യോഗത്തിൽ തവനൂർ മണ്ഡലം നവകേരള സദസ്സ്കൺവീനറായ പൊന്നാനി തഹസിൽദാർ കെ.ജി സുരേഷ് കുമാർ സ്വാഗതം പറഞ്ഞു. മണ്ഡലത്തിലെവിവിധ സബ് കമ്മിറ്റികളുടെ പ്രവർത്തനങ്ങൾ, പഞ്ചായത്ത് വാർഡ് തല ഒരുക്കങ്ങൾ എന്നിവവിലയിരുത്തി. മണ്ഡലം സബ് കമ്മിറ്റി കൺവീനർമാർ, പഞ്ചായത്ത്-മുനിസിപ്പൽ കൺവീനർമാർവിവിധ വകുപ്പ് തല ഉദ്യോഗസ്ഥർ, രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു. 

പടപ്പറമ്പ് :  കുറുവ ഗ്രാമപഞ്ചായത്ത് 2023-2024 വാർഷിക പദ്ധതിയിൽ ഉൾപ്പെടുത്തിവനിതകൾക്കുള്ള മുട്ടക്കോഴി വിതരണം പദ്ധതി പഞ്ചായത്ത് പ്രസിഡണ്ട് നസീറ മോൾ ഉദ്ഘാടനംചെയ്തു. വൈസ് പ്രസിഡണ്ട് എസി അബ്ദുറഹ്മാൻ അധ്യക്ഷത വഹിച്ചു. ഭരണസമിതി അംഗങ്ങൾ,വാർഡ് മെമ്പർമാർ, വെറ്റിനറി ഡോക്ടർ, പദ്ധതി ഉപഭോക്താക്കൾതുടങ്ങിയവർ സംബന്ധിച്ചു  .

സി.എച്ച് അബുയൂസഫ് ഗുരുക്കൾ സ്മാരക ടൗൺഹാളിൽ വെച്ച്  നഗരസഭ ചെയർമാൻ അഷ്റഫ്അമ്പലത്തിങ്ങൽ നിർവഹിച്ചു.ആരോഗ്യ സ്റ്റാന്റിംഗ് കമ്മിറ്റി ചെയർമാൻ ഇബ്രാഹിം മാരാത്ത്അദ്ധ്യക്ഷത വഹിച്ചു.വൈസ് ചെയർപേഴ്സൺ റംല മുഹമ്മദ്,സ്റ്റാന്റിംഗ് കമ്മിറ്റി ചെയർമാൻമാരായസി.എം റിയാസ്,മുജീബ് വാലാസി,റൂബി ഖാലിദ്,ദീപ്തി ഷൈലേഷ്,കൗൺസിലർമാരായ ഇ.പിഅച്ചുതൻ,ഷിഹാബ് പാറക്കൽ,സിദ്ധീഖ് ഹാജി,ബദരിയ്യ മുനീർ,നൗഷാദ് നാലകത്ത്,സാജിതടീച്ചർ,എന്നിവർ സംസാരിച്ചു.ഡോ.ഫാത്തിമ ടി.പി യുടെ നേതൃത്വത്തിൽ ബോധവൽക്കരണ ക്ലാസ്സുംസൈക്കോളജിസ്റ്റ് കൊച്ചുത്രേസ്യയുടെ നേതൃത്വത്തിൽ ‘സ്ത്രീകളുടെ മാനസികാരോഗ്യത്തെക്കുറിച്ചുംക്ലാസ്സുകൾ നടന്നു. തുടർന്ന് ഡോ.ബിന്ദു പ്രശോഭ്,ഡോ.ഫസ്ന എന്നിവർ മെഡിക്കൽ ക്യാമ്പിന്നേത്യത്വം നൽകി.വളാഞ്ചേരി ഹോമിയോ മെഡിക്കൽ ഓഫീസർ ഡോ.മിഷൽ മോഹൻദാസ്സ്വാഗതം പറഞ്ഞ പരിപാടിയിൽ വാർഡ് കൗൺസിലർ എൻ.നൂർജനാൻ നന്ദി പറഞ്ഞു.

നിസാര പല്ലുവേദനയുമായി വന്ന മുണ്ടൂർ സ്വദേശിയായ ആരോൺ എന്ന കുട്ടിയാണ് ആശുപത്രിഅധികൃതരുടെ ഭാഗത്തുനിന്നുണ്ടായ ഗുരുതരമായ ചികിത്സാപിഴവ് മൂലം മരണപ്പെട്ടത്. സംഭവത്തിൽപ്രതിഷേധിച്ച് യൂത്ത് കോൺഗ്രസ് കുന്നംകുളം നിയോജകമണ്ഡലം കമ്മിറ്റിയുടെ ആഭിമുഖ്യത്തിൽആശുപത്രിയിലേക്ക് പ്രതിഷേധ പ്രകടനവും ധർണ്ണയും നടത്തി. പ്രതിഷേധത്തിന് നിയോജകമണ്ഡലംയൂത്ത് കോൺഗ്രസ് പ്രസിഡന്റ് എ എം നിധീഷ് നേതൃത്വം നൽകി. പ്രതിഷേധത്തിന് ശേഷംആശുപത്രിയിലേക്ക് കയറാൻ ശ്രമിച്ച യൂത്ത് കോൺഗ്രസ് പ്രവർത്തകരായ എ എം നിധീഷ്, വിഘ്നേശ്വര പ്രസാദ്, ജെറിൻ പി രാജു, അസ്‌ലം അലി, തമ്പി ജോബ് എന്നിവരെ പോലീസ് അറസ്റ്റ്ചെയ്തു നീക്കി. കുറ്റക്കാർക്ക് എതിരെ നിയമപരമായ നടപടികൾ സ്വീകരിക്കുന്നതുവരെസമരപരിപാടികളുമായി മുന്നോട്ടുപോകുമെന്ന് യൂത്ത് കോൺഗ്രസ്‌ നിയോജകമണ്ഡലം കമ്മറ്റിഅറിയിച്ചു.