എടപ്പാൾ: എടപ്പാൾ ഗവ.ഹയർ സെക്കൻഡറി സ്കൂളിലെ 2021-22 വർഷത്തെ പി.ടി.എ ജനറൽബോഡി യോഗം സ്കൂളിൽ വെച്ച് ചേർന്നു. പി.ടി.എ പ്രസിഡണ്ട് സലാം പോത്തനൂർ അധ്യക്ഷതവഹിച്ച യോഗം മലപ്പുറം ജില്ലാ പഞ്ചായത്ത് മെമ്പർ അഡ്വ.പി.പി മോഹൻദാസ് ഉദ്ഘാടനം ചെയ്തു.  ഹയർ സെക്കൻഡറി സ്കൂൾ പ്രിൻസിപ്പൽ ഗഫൂർ മാസ്റ്റർ സ്വാഗതം പറഞ്ഞ ചടങ്ങിൽ സ്റ്റാഫ്സെക്രട്ടറി സതീശൻ മാസ്റ്റർ ഹയർ സെക്കൻഡറി സ്കൂളിന്റെയും രഘു മാസ്റ്റർ ഹൈസ്കൂളിന്റെയുംറിപ്പോർട്ടുകൾ അവതരിപ്പിച്ചു. പ്രധാനാധ്യാപിക സരോജിനി ടീച്ചർ വരവ് ചെലവ് കണക്കുകളുംഅവതരിപ്പിച്ചു. യോഗത്തിൽ 2022-23 വർഷത്തെ പി.ടി.എ പ്രസിഡണ്ടായി അഡ്വ.കബീർകാരിയാട്ടിനെയും പിടിഎ വൈസ് പ്രസിഡണ്ടായി രശ്മിയെയും എസ്എംസി ചെയർമാനായിസുന്ദരനെയും എസ്എംസി വൈസ് ചെയർമാനായി രഞ്ജിത്തിനെയും പി.ടി.എ എക്സിക്യൂട്ടീവ്അംഗങ്ങളായി ഹമീദ് എടപ്പാൾ, നാസർ എടപ്പാൾ, റൗഫ്, നിഷ, പ്രബിൻ, പ്രജിത, റഷീദ്, സുന്ദരൻതൈക്കാട്, നിഷ പ്രേം, വിനീത എന്നിവരെ പി.ടി.എ എക്സിക്യൂട്ടീവ് അംഗങ്ങളായും തിരഞ്ഞെടുത്തു. സലാം പോത്തനൂർ നന്ദി രേഖപ്പെടുത്തി.

വളാഞ്ചേരി : കുറ്റിപ്പുറം ഉപജില്ലാ സ്‌കൂൾ ശാസ്ത്രോത്സവം ശനിയാഴ്ച ആരംഭിക്കും. വളാഞ്ചേരിഹയർസെക്കൻഡറി സ്‌കൂൾ, ഗേൾസ് ഹയർസെക്കൻഡറി സ്‌കൂൾ, മാറാക്കര വി.വി.എം. ഹയർസെക്കൻഡറി സ്‌കൂൾ എന്നിവിടങ്ങളിലായാണ് മേള നടക്കുക. വളാഞ്ചേരിഎച്ച്.എസ്.എസിൽ നടന്ന സ്വാഗതസംഘം രൂപവത്കരണയോഗം നഗരസഭാധ്യക്ഷൻ അഷറഫ്അമ്പലത്തിങ്ങൽ ഉദ്ഘാടനം ചെയ്തു. പി.ടി.എ. പ്രസിഡന്റ് നസീർ തിരൂർക്കാട് അധ്യക്ഷത വഹിച്ചു. പ്രിൻസിപ്പൽ എം.പി. ഫാത്തിമക്കുട്ടി, കൗൺസിലർമാരായ കെ.വി. ഉണ്ണിക്കൃഷ്ണൻ, സാജിത, കുറ്റിപ്പുറം എ.ഇ.ഒ. വി.കെ. ഹരീഷ്, അബ്ദുൾസലാം കവറൊടി, കെ.പി. അബ്ദുൽകരീം, കരീംനാലകത്ത്, യു. ശിഹാബ്, ഗേൾസ് എച്ച്.എസ്.എസ്. പ്രിൻസിപ്പൽ വി.കെ. പ്രീത തുടങ്ങിയവർപ്രസംഗിച്ചു. ഭാരവാഹികൾ: അഷറഫ് അമ്പലത്തിങ്ങൽ(ചെയർ.), എം.പി. ഫാത്തിമക്കുട്ടി(ജന. കൺ.).

ഇ​ടു​ക്കി: ശാന്തൻപാറയിൽ നീ​ല​ക്കു​റി​ഞ്ഞി വ​സ​ന്തം കാ​ണാ​ൻ എ​ത്തു​ന്നവരുടെ തിരക്ക്നിയന്ത്രണാതീതമായതോടെ, ഇടപെടലുമായി അധികൃതർ. നീലക്കുറിഞ്ഞി കാണാൻ എത്തുന്നസഞ്ചാരികൾക്ക് നിയന്ത്രണം ഏർപ്പെടുത്തി.  പ്ര​വേ​ശ​നം രാ​വി​ലെ ആ​റു മു​ത​ൽ വൈ​കു​ന്നേ​രം നാ​ലുവ​രെ മാ​ത്രം.  22, 23, 24 തീ​യ​തി​ക​ളി​ൽ, മൂ​ന്നാ​ർ, അ​ടി​മാ​ലി, ബോ​ഡി​മെ​ട്ട് ഭാ​ഗ​ങ്ങ​ളി​ൽ നി​ന്നും വി​നോ​ദ സ​ഞ്ചാ​രി​ക​ളുമായി വ​രു​ന്ന ബ​സു​ക​ളും ട്രാ​വ​ല​റു​ക​ളും പൂ​പ്പാ​റ ജം​ഗ്ഷ​നി​ൽ നി​ർ​ത്തി, കെ​എ​സ്ആ​ർ​ടി​സി ഫീ​ഡ​ർ ബ​സു​ക​ളി​ൽ സ​ന്ദ​ർ​ശ​ന സ്ഥ​ല​ത്തേ​ക്കും തി​രി​കെ പൂ​പ്പാ​റ ജം​ഗ്ഷ​നി​ലേ​ക്കും പോ​ക​ണം.  കു​മ​ളി, ക​ട്ട​പ്പ​ന, നെ​ടും​ക​ണ്ടം ഭാ​ഗ​ങ്ങ​ളി​ൽ നി​ന്നും വി​നോ​ദ സ​ഞ്ചാ​രി​ക​ളുമായി വ​രു​ന്ന ബ​സു​ക​ളും, ട്രാ​വ​ല​റു​ക​ളും ഉ​ടു​മ്പ​ൻ​ചോ​ല ജം​ഗ്ഷ​നി​ൽ നി​ർ​ത്തി കെ​എ​സ്ആ​ർ​ടി​സി ഫീ​ഡ​ർ ബ​സു​ക​ളി​ൽ സ​ന്ദ​ർ​ശ​ന സ്ഥ​ല​ത്തേ​ക്കും തി​രി​കെ ഉ​ടുമ്പ​ൻ​ചോ​ല ജം​ഗ്ഷ​നി​ലേ​ക്കും പോ​ക​ണം. രാ​വി​ലെ ആ​റു മു​ത​ൽ വൈ​കു​ന്നേ​രം നാ​ലു വ​രെ​യാ​യി​രി​ക്കും നീ​ല​ക്കു​റി​ഞ്ഞി കാ​ണാ​ൻ സ​മ​യം അ​നു​വ​ദി​ക്കു​ക. 

എടപ്പാൾ: മലപ്പുറം ജില്ലാ സിബിഎസ്ഇ സ്കൂൾ കലാമേളക്ക് ലഹരി വിരുദ്ധ പ്രതിജ്ഞയോടെ നാളെഐഡിയൽ  കാമ്പസിൽ തുടക്കമാവും. നാളെ മുതൽ മൂന്നു ദിവസങ്ങളിലായി നടക്കുന്നകലോത്സവം  മുൻ ഉന്നത വിദ്യാഭ്യാസ മന്ത്രിയും സ്ഥലം എംഎൽഎയുമായ ഡോക്ടർ കെ.ടി ജലീൽഉദ്ഘാടനം ചെയ്യും. പ്രശസ്ത എഴുത്തുകാരനും കവിയുമായ ആലംകോട് ലീലാകൃഷ്ണൻ മുഖ്യഅതിഥിയാവും. ജില്ലയിലെ സിബിഎസ്ഇയുമായി അഫിലിയേറ്റ് ചെയ്ത 74 സ്കൂളുകളിൽ നിന്നായിമൂവ്വായിരത്തോളം കലാ പ്രതിഭകളാണ് ജില്ലാ കലോത്സവത്തിൽ നാല് കാറ്റഗറികളിലായി 16 വേദികളിൽ മൂന്ന് ദിവസങ്ങളിലായി മാറ്റുരക്കുക. കലാമേളയുടെ സുഗമമായ നടത്തിപ്പിന് എല്ലാവിധസംവിധാനങ്ങളും ഐഡിയൽ ക്യാമ്പസിൽ ഒരുക്കിയിട്ടുണ്ടെന്ന് സംഘാടകർ പത്രസമ്മേളനത്തിൽഅറിയിച്ചു. കലാ മത്സരങ്ങൾ കാണാൻ വരുന്നവർക്കായി സ്പോർട്സ്, സ്കൗട്ട് ആൻഡ് ഗൈഡ്സ്, മോണ്ടിസോറി തുടങ്ങി വിവിധ വിഭാഗങ്ങളുടെ എക്സിബിഷനുകൾ, ബുക്ക് ഫെയർ, ഫുഡ് കോർട്ട്പാർക്ക് തുടങ്ങി വിനോദത്തിനും വിജ്ഞാനത്തിനും ആവശ്യമായ എല്ലാ സൗകര്യങ്ങളും ഐഡിയൽക്യാമ്പസിൽ ഒരുക്കിയിട്ടുണ്ട്. ഉദ്ഘാടന സമ്മേളനത്തിൽ സ്വാഗതസംഘം ചെയർമാൻ പി കുഞ്ഞാവുഹാജി, ട്രസ്റ്റ് സെക്രട്ടറി കെ കെ എസ് ആറ്റക്കോയ തങ്ങൾ, തവനൂർ പഞ്ചായത്ത് പ്രസിഡണ്ട് സി പിനസീറ, വൈസ് പ്രസിഡണ്ട് ടി.വി ശിവദാസൻ, വാർഡ് മെമ്പർ സിമ മധു, സഹോദയ പ്രസിഡൻറ്സി.സി അനീഷ് കുമാർ, സെക്രട്ടറി അമീൻ ജഹാൻ, ട്രഷറർ ഫാദർ തോമസ് ചാലക്കൽ, സിബിഎസ്ഇ മാനേജ്മെൻറ്സ് അസോസിയേഷൻ ജില്ലാ പ്രസിഡണ്ട് മൊയ്തീൻ കുട്ടി, ജനറൽസെക്രട്ടറി മജീദ്, ഐഡിയൽ പ്രോഗ്രാം കൺവീനർ സുരേന്ദ്രൻ തുടങ്ങിയവർ സംബന്ധിക്കും. പത്ര സമ്മേളനത്തിൽ ഐഡിയൽ സീനിയർ പ്രിൻസിപ്പാൾ എഫ്.ഫിറോസ്, സഹോദയഎക്സിക്യുട്ടീവ് മെമ്പർ റെജി വി ജോർജ്, ഐഡിയൽ ഇംഗ്ലിഷ് സ്കൂൾ പ്രിൻസിപ്പൽ പ്രിയ അരവിന്ദ്, മീഡിയ കോർഡിനേറ്റർ പി ടി എം ആനക്കര, യു വി സജിൻ എന്നിവർ പങ്കെടുത്തു.