വളാഞ്ചേരി: ദേശീയപാത 66ലെ സ്ഥിരം അപകട മേഖലയായ വളാഞ്ചേരി വട്ടപ്പാറ വളവിലുണ്ടായഅപകടത്തിൽ ഒരാൾക്ക് പരിക്ക്. വട്ടപ്പാറയിലെ പ്രധാന വളവിലാണ് ഇന്ന് രാവിലെഒമ്പതരയോടെയാണ് അപകടമുണ്ടായത്. എറണാംകുളത്തേക്ക് ഷീറ്റുമായി പോവുകയായിരുന്നലോറിയാണ് നിയന്ത്രണം വിട്ടതിനെ തുടർന്ന് മറിഞ്ഞത്. അപകടത്തിൽ മഹാരാഷ്ട്ര സ്വദേശിയായഡ്രൈവറെയും ക്ലീനറെയും വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു. അറ്റകുറ്റപ്പണികളുടെ ഭാഗമായി സമീപകാലത്തായി പണികഴിപ്പിച്ച സംരക്ഷണഭിത്തിയിൽ ഇടിച്ചുനിൽക്കുകയായിരുന്നു ലോറി. വളാഞ്ചേരി പോലീസും നാട്ടുകാരും ചേർന്ന് രക്ഷാപ്രവർത്തനം നടത്തി.

ചങ്ങരംകുളം: കാൽനട യാത്രക്കാർക്കും വാഹന യാത്രക്കാർക്കും ഭീഷണിയായി  ചങ്ങരംകുളംപന്തവൂരിൽ  ദേശീയ പാതയോട് ചേർന്ന് മരം ചരിഞ്ഞു നിൽക്കുന്നു. പന്താവൂർ സുസുക്കിഷോറൂമിനും പഞ്ചായത്ത്‌ കിണറിനും സമീപമായിട്ടാണ് മരം റോഡിലേക്ക് ഏത് സമയവും വീഴും എന്നനിലയിൽ ചരിഞ്ഞു നിൽക്കുന്നത്. നിരവധി വാഹനങ്ങളും കാൽ നടയാത്രക്കാരും  എപ്പോഴും കടന്ന് പോകുന്ന ദേശീയ പാതയോരത്തെഈ മരം ജനങ്ങൾക്ക് വലിയ ഭീഷണിയാണ് ഉണ്ടാക്കുന്നത്. മരത്തിനു സമീപമായി നിരവധികച്ചവടക്കാരും ഉണ്ട്, അടുത്തുള്ള വിദ്യാലയങ്ങളിലേക്ക് വിദ്യാർഥികളും ഇതുവഴി കടന്ന്പോകുന്നുണ്ട്. മരം മുറിച്ചു മാറ്റുന്നതിന് അധികൃതരെ പലതവണ അറിയിച്ചിട്ടും ഇതുവരെയും നടപടി ഉണ്ടായില്ലഎന്ന്  നാട്ടുകാർ പറഞ്ഞു.അധികൃതർ ഒന്ന് കണ്ണ്തുറന്നാൽ ചിലപ്പോൾ വൻ ദുരന്തം ഒഴിവാക്കാൻകഴിയും. 

ഖാദി ഗ്രാമവ്യവസായ ബോര്‍ഡിന്റെ ഓണം ഖാദിമേള വൈദ്യുതി വകുപ്പ് മന്ത്രി കെ. കൃഷ്ണന്‍കുട്ടിഉദ്ഘാടനം ചെയ്തു. സ്വാതന്ത്ര്യത്തിന്റെ 75-ാം വാര്‍ഷികത്തില്‍ ഗാന്ധിജിയുടെ ആശയങ്ങള്‍ക്കുംപ്രവൃത്തികള്‍ക്കും ഏറെ പ്രസക്തിയുണ്ടെന്ന് മന്ത്രി പറഞ്ഞു. സ്വതന്ത്ര സമരത്തില്‍ ഗാന്ധിജിപ്രയോഗിച്ച വലിയ ആയുധമായിരുന്നു ഖാദി വസ്ത്രങ്ങള്‍. ഖാദി വസ്ത്രങ്ങള്‍ നമ്മുടെ ദേശീയതയുടെഭാഗമായി കൂടി കാണേണ്ടതാണെന്നും മന്ത്രി പറഞ്ഞു. ഖാദി മേളയുടെ ഭാഗമായി ഒരുക്കുന്നസമ്മാനക്കൂപ്പണുകളുടെ വിതരണവും ആദ്യ വില്‍പ്പനയും മന്ത്രി നിര്‍വഹിച്ചു. പാലക്കാട് ഖാദി ഗ്രാമ വ്യവസായ ഓഫീസില്‍ നടന്ന പരിപാടിയില്‍ കെ.ഡി. പ്രസേനന്‍ എം.എല്‍.എ. അധ്യക്ഷനായി. ഖാദി ബോര്‍ഡ് അംഗം എസ്. ശിവരാമന്‍ മുഖ്യപ്രഭാഷണം നടത്തി. പാലക്കാട്നഗരസഭ അംഗം ബി സുഭാഷ്, സര്‍വ്വോദയ സംഘം സെക്രട്ടറി കെ.പ്രജീഷ്, അകത്തേത്തറ ഖാദിഉത്പാദക സഹകരണസംഘം പ്രസിഡന്റ് പി.എം. രാജു, പി. വിശ്വന്‍, രജനി, ഖാദി പ്രൊജക്ട്ഓഫീസര്‍ പി.എസ്. ശിവദാസന്‍ എന്നിവര്‍ പങ്കെടുത്തു.

അബേദ്ക്കർ സ്വാശ്രയ ഗ്രാമം പദ്ധതിയുടെ ഭാഗമായി എടയൂർ ഗ്രാമ പഞ്ചായത്ത് വാർഡ് 8 പുവ്വത്തുംതറ SC കോളനിയിൽ നടപ്പിലാക്കുന്ന 1 - കോടി രൂപയുടെ പദ്ധതികളുടെ അവലോകനയോഗം കോട്ടക്കൽ നിയോജകമണ്ഡലം MLA പ്രൊഫസർ അബിദ് ഹുസൈൻ തങ്ങൾ അവർ കളുടെ അദ്ധ്യക്ഷതയിൽ കുറ്റിപ്പുറം ബ്ലോക്ക് പഞ്ചായത്ത് ഹാളില്‍നടന്നു. കുററിപ്പും…

വളാഞ്ചേരി നഗരസഭ *ഡിവിഷൻ 5, കാരാട്* വാർഡ് സഭാ യോഗം ചെയർമാൻ *അഷ്റഫ്അമ്പലത്തിങ്ങൽ* ഉദ്ഘാടനം ചെയ്തു. എം.പി.ഹാരിസ് മാസ്റ്റർ സ്വാഗതം പറഞ്ഞു. വെസ്റ്റേൺ പ്രഭാകരൻ, ഷാഹുൽ ഹമീദ് മാസ്റ്റർ, പി.വി ബദറുന്നീസ ടീച്ചർ എന്നിവർ സംസാരിച്ചു. ലൈഫ് പദ്ധതി ഗുണഭോക്തൃ പട്ടിക,പി. എം എ വൈ 6-th 7-thഡി പി ആർ പട്ടികഅംഗീകരിച്ചു.യോഗത്തിൽ  പങ്കെടുത്തവരിൽ നിന്നും നറുക്കെടുപ്പിൽ വിജയിച്ച  ബദറുന്നീസ ടീച്ചർക്കുള്ള ഉപഹാരം നഗരസഭചെയർമാൻ നൽകി. വാർഡ് സഭയിൽ പങ്കെടുത്ത മുഴുവൻ അംഗങ്ങൾക്ക് തെങ്ങിൻ തൈകൾ നൽകി. വിതരനോൽഘാടനം വാർഡ് തല സമിതി കൺവീനർ വെസ്റ്റേൺ പ്രഭാകരൻ നിർവഹിച്ചു.തുടർന്ന്പച്ചക്കറിവിത്തുകളുടെ വിതരണവും നടന്നു....

പൊന്നാനി : കുത്തിയൊലിക്കുന്ന ഭാരതപ്പുഴയിലെ മീൻപിടിത്തം ആശങ്കയുണ്ടാക്കുന്നു. ചമ്രവട്ടംപാലത്തിനുസമീപത്ത് നടക്കുന്ന മീൻപിടിത്തമാണ് ഏറെ ആശങ്കയുയർത്തുന്നത്. പുഴയിലെ പാർശ്വഭിത്തിയില്ലാത്ത ഭാഗത്താണ് ആളുകൾ കൂട്ടമായി മീൻപിടിക്കാനെത്തുന്നത്. റഗുലേറ്ററിനടിയിലൂടെ പുഴ ശക്തമായി അറബിക്കടലിലേക്ക് ഒഴുകുകയാണ്. ഇവിടെയാണ്മീൻപിടിത്തവും തകൃതിയായി നടക്കുന്നത്. പുഴ ഇരുകരമുട്ടിയാണ് ഇപ്പോൾ ഒഴുകുന്നത്. തീരത്തുനിന്ന് വലയെറിഞ്ഞും ചൂണ്ടയിട്ടുമാണ്മീൻപിടിക്കുന്നത്. ശക്തമായ മഴ മുന്നറിയിപ്പുള്ളതിനാൽ പുഴയിൽ കുളിക്കുന്നതുംഇറങ്ങുന്നതുമെല്ലാം അധികൃതർ വിലക്കിയിട്ടുണ്ട്. കരയിൽ നിന്നുകൊണ്ട് മീൻപിടിക്കുന്നതിന്നിരോധനമേർപ്പെടുത്തിയിട്ടില്ലെങ്കിലും സുരക്ഷിതമല്ലാത്ത തീരത്ത് നിലയുറപ്പിച്ച് മീൻപിടിക്കുന്നതിന്അപകടസാധ്യതയേറേയാണ്. വെള്ളം ഉയരുമ്പോൾ ധാരാളം മീൻ ലഭിക്കാറുണ്ടെന്നതിനാലാണ് സുരക്ഷയില്ലാത്ത സ്ഥലത്തും മീൻപിടിത്തത്തിൽ ആളുകൾ ഏർപ്പെടുന്നത്. അപകടം വിളിച്ചുവരുത്തുന്ന ഇത്തരം നടപടികളിൽനിന്ന്ആളുകൾ സ്വയം പിൻമാറണമെന്നും അല്ലെങ്കിൽ അധികൃതർ അവരെ പിന്തിരിപ്പിക്കണമെന്നുമാണ്നാട്ടുകാർ ആവശ്യപ്പെടുന്നത്.