എടപ്പാൾ : വേദേതിഹാസങ്ങളും വിവിധ മത തത്വശാസ്ത്രങ്ങളും മനുഷ്യ സമൂഹത്തിൽ സ്ത്രീയുടെമഹത്തായ സ്ഥാനം ഉദ്ഘോഷിക്കുന്നതാണെങ്കിലും,അത് മനസ്സിലാക്കുന്നതിൽ ഭൂരിഭാഗം മനുഷ്യരുംഅജ്ഞരോ അജ്ഞത നടിക്കുന്നവരോ ആയി മാറിയിരിക്കുന്നതായി ഡോ: ചാത്തനാത്ത്അച്ചുതനുണ്ണി അഭിപ്രായപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷന്റെ ആഭിമുഖ്യത്തിൽഎടപ്പാൾ വള്ളത്തോൾ കോളേജിൽ നടന്ന സ്ത്രീധന വിരുദ്ധ സെമിനാർ ഉദ്ഘാടനംചെയ്യുകയായിരുന്നു അദ്ദേഹം.പി.സി.ഡബ്ലിയു.എഫ്. ട്രഷറർ ഇ.പി.രാജീവ് അധ്യക്ഷത വഹിച്ചു. അജിത്ത് കൊളാടി മുഖ്യപ്രഭാഷണം നടത്തി. അടാട്ട് വാസുദേവൻ, ഐവി ടീച്ചർ, സുബൈദപോത്തനൂർ, മുരളി മേലേപ്പാട്ട് , അഷറഫ് നെയ്തല്ലൂർ, റീജ ടീച്ചർ, കോളേജ് യൂണിയൻ ചെയർമാൻഷിയാസ് എന്നിവർ പ്രസംഗിച്ചു. 

മൂർക്കനാട് ഗ്രാമപഞ്ചായത്ത് മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി 2022-23 ഒന്നാംഅർദ്ധ വാർഷിക സോഷ്യൽ ഓഡിറ്റ് അഞ്ചാം വാർഡ് ഗ്രാമസഭ  കൊളത്തൂർ സ്റ്റേഷൻപ്പടിജവാഹിറുൽ ഉലൂം മദ്രസയിൽ വെച്ച് ചേർന്നു. തൊഴിലുറപ്പ് തൊഴിലാളി പറമ്പുക്കാട്ടിൽ വൽസല അധ്യക്ഷത വഹിച്ച ഗ്രാമസഭയിൽ സോഷ്യൽഓഡിറ്റ് ടീം അംഗങ്ങളായ ഷഖീബ്, ശിബിത, ബിജിഷ എന്നിവർ തൊഴിലുറപ്പ് പ്രവർത്തികൾവിലയിരുത്തി സംസാരിച്ചു. തൊഴിലുറപ്പ് തൊഴിലാളികൾ അവരുടെ തൊഴിൽ സംബന്ധിച്ചകാര്യങ്ങളും ബുദ്ധിമുട്ടുകളും ഓഡിറ്റർമാരെ അറിയിച്ചു.  വാർഡ് മെമ്പർ കലമ്പൻ ബാപ്പു സ്വാഗതവും തൊഴിലുറപ്പ് മേറ്റ്‌ പ്രിയ പറമ്പുക്കാട്ടിൽ നന്ദിയുംഅറിയിച്ചു സംസാരിച്ചു.

എടപ്പാൾ : എടപ്പാൾ ഉപജില്ലാ അറബിക്ക് അക്കാദമിക്ക് കോംപ്ലക്സ് അധ്യാപക പരിശീലനം എടപ്പാൾബി ആർ സി ഹാളിൽ സംഘടിപ്പിച്ചു. ഉപജില്ലയിലെ എഴുപതോളം അധ്യാപകർ പരിശീലനത്തിൽപങ്കെടുത്തു. പരിശീലനം എടപ്പാൾ എ ഇ ഒ ചാർജ് സി. സുരേഷ് ഉദ്ഘാടനം ചെയ്തു. എടപ്പാൾ ബി പി സി ടി.പിബിനീഷ് മുഖ്യ പ്രഭാഷണം നടത്തി. മലപ്പുറം ജില്ലാ മുസ്ലീം വിദ്യാഭ്യാസ ഇൻസ്പെക്ടർ വി ഷൗക്കലി, കെ. ടി മിന്നത്ത് ടീച്ചർ, സി. കെസൈനുദ്ധീൻ മാസ്റ്റർ, കെ എ അനീസ് എന്നിവർ പങ്കെടുത്തു സംസാരിച്ചു. വിവിധ സെഷനുകൾസംസ്ഥാന ടെക്സ്റ്റ് ബുക്ക് സമിതി അംഗം എം. ടി അബ്ദുൾ റഷീദ് മാസ്റ്റർ, ജാഫർ മാസ്റ്റർ, ഷറഫുദീൽമാസ്റ്റർ എന്നിവർ ക്ലാസെടുത്തു. കൂടാതെ അധ്യപക കലാ മത്സരങ്ങളും സംഘടിപ്പിച്ചു. 

ചങ്ങരംകുളം : ഇർശാദ് മുൻ ചെയർമാൻ അന്തരിച്ച എം വി ഉമർ മുസ്‌ലിയാരുടെ സ്മരണാർത്ഥംസാമൂഹിക മേഖലയിലെ മുന്നേറ്റ പ്രവർത്തനങ്ങൾക്കു നേതൃത്വം നൽകുന്ന മതപണ്ഡിതർക്ക്ഏർപ്പെടുത്തിയ അവാർഡ് എം ഹൈദർ മുസ്‌ലിയാർക്ക് നൽകി. ചങ്ങരംകുളത്ത് നടന്ന ഉമർ മുസ്‌ലിയാർ അനുസ്മരണ സംഗമത്തിൽ വെച്ച് കീക്കോട് സയ്യിദ് ഉമർഅസ്സഖാഫ് തങ്ങൾ അവാർഡ് സമർപ്പിച്ചു.കെ സിദ്ദീഖ് മൗലവി ഐലക്കാട് അധ്യക്ഷത വഹിച്ചു. പ്രമുഖ സൂഫി പണ്ഡിതൻ ശൈഖ് യഹ്‌യ അൽ ഖാസിമി മലേഷ്യ ഉദ്ഘാടനം ചെയ്തു.വി വിഅബ്ദുറസാഖ് ഫൈസി മാണൂർ. സയ്യിദ് എസ് ഐ കെ തങ്ങൾ മൂതൂർ. വി പി ഷംസുദ്ദീൻ ഹാജിഒതളൂർ.  വാരിയത്ത് മുഹമ്മദലി,  പി പി നൗഫൽ സഅദി, എം കെ ഹസ്സൻ നെല്ലിശ്ശേരി, സി വിഅബ്ദുൽ ജലീൽ അഹ്സനി , അബ്ദുൽ ബാരി സിദ്ദീഖി ,ഹുസൈൻ അൻവരി കല്ലൂർ സംബന്ധിച്ചു.

എടപ്പാൾ: സ്കൈ ബ്ലൂ സ്പോർട്സ് അസോസിയേഷൻ സംഘടിപ്പിക്കുന്ന  അഖിലേന്ത്യ സെവൻസ് ഫുട്ബോൾ ടൂർണമെന്റ് ഡിസ:23ന് തുടക്കമാകും. ഒരു മാസത്തിൽഅതികം നീണ്ടു നിൽക്കുന്ന മത്സരം  പൂക്കരത്തറ ദാറുൽ ഹിദായ ഓർഫനേജ് ഹയർ സെക്കണ്ടറിസ്കൂൾ മൈതാനിയിൽ പ്രത്യേകം തയ്യാറാക്കിയ ഫ്‌ളൈഡ് ലൈറ്റ് സ്റ്റേഡിയത്തിൽ (കെവി മുഹമ്മദ്ഹാജി അയിലക്കാട് മൈതാനിയിൽ) ആരംഭിക്കും. എല്ലാ ദിവസവും രാത്രി 8:30നാണ്കളികൾ.സെവൻസ് ഫുട്ബോൾ അസ്സോസിയേഷനിൽ (S.F.A)രജിസ്റ്റർ ചെയ്ത 24പ്രമുഖ ടീമുകൾഅണിനിരക്കുന്ന  ഫുട്ബോൾ മാമാങ്കത്തിന്റെ ഉദ്ഘാടന ചടങ്ങിൽ സംസ്ഥാന മന്ത്രിമാർ എംപി ,MLA മാർ ഉൾപ്പെടെയുള്ള ജനപ്രതിനിധികളും സമൂഹത്തിലെ വ്യത്യസ്ത മേഖലകളിലെ പ്രമുഖവ്യക്തിത്വങ്ങൾ സമ്പന്ധിക്കും. ഫുടബോൾ ടൂർണമെന്റിന്റെ സീസൺ ടിക്കറ്റ് ലോഞ്ചിങ് നാളെ(4/12/22,ഞായർ)വൈ:3മണിക്ക് മുൻ ഇന്ത്യൻ ഇന്റർ നാഷണൽ ഫുട്ബോൾ താരം യൂ.ഷറഫലിഎടപ്പാൾ ഫോറം മാളിൽ വെച്ച് നിര്വഹിക്കുന്നതാണ് ഫുട് ബോൾ ടൂർണമെന്റിന്റെ പ്രധാനസ്പോൺസർ എടപ്പാൾ പൊന്നാനി റോഡിൽ തുറന്ന് പ്രവർത്തനം ആരംഭിക്കാൻ പോകുന്ന മോക്കമെൻസ് വെയർ &വെഡിങ് സെന്ററാണ് വിന്നേഴ്സ് ട്രോഫി സ്പോസർ ചെയ്തിരിക്കുന്നത്എടപ്പാളിലെ ഫോറം സെന്ററൂം റണ്ണേഴ്‌സ് ട്രോഫി സ്പോൺസർ ചെയ്തിരിക്കുന്നത് ലൂട്ട്മെൻസ്വെയറൂമാണ് മറ്റൊരു പ്രധാന സ്പോസർ എടപ്പാൾ നടുവട്ടത്തുള്ള നോവ ഗോൾഡ് എന്നസ്ഥാപനമാണ് .നമ്മുടെ പ്രദേശത്തിന്റെ ജനകീയ ഉത്സവമായ ഈ ഫുട്ബോൾ മാമാങ്കം  വിജയിപ്പിക്കുന്നതിന് മുഴുവൻ ആളുകളുടെടെയും സഹായങ്ങൾ അഭ്യര്ഥിക്കുന്നതോടൊപ്പംഎല്ലാവരുടെയും പങ്കാളിത്തമുണ്ടാകണമെന്ന്  ചെയർമാൻ യു പി പുരുഷോത്തമൻ ജന:കൺവീനർ നൗഫൽ സി തണ്ടിലം ,അസ്‌ലംതിരുത്തി,സുമേഷ് ഐശ്വര്യ,ഹമീദ് നടുവട്ടം,ഹാരിസ് തൊഴുത്തിങ്ങൽ തുടങ്ങിയവർ അറിയിച്ചു. 

മലബാർ ദേവസ്വം ബോർഡിന് കീഴിലുളള എടയൂർ ഋഷി പുത്തൂർ ക്ഷേത്രം മതമൈെ ത്രിക്ക് മഹനീയമാതൃക കാണിച്ചു കൊടുക്കുകയായിരുന്നു ഈ മണ്ഡലക്കാലത്ത് . ക്ഷേത്രത്തിലെ 34 )- മത്  അഖണ്ഡനാമയജ്ഞവേദിയാണ് മാതൃകാപരമായ മത മൈത്രീ സൗഹൃദ സദസ്സിന് സാക്ഷ്യംവഹിച്ചത്. എടയൂർ പീടികപ്പടി ജുമാ മസ്ജിദ് ഖത്തീബ് നാസർ റഹ്മാനി , മഹല്ല് വൈസ് പ്രസിഡണ്ട്കാസീം കോയ തങ്ങൾ, ജോയിൻ സെക്രട്ടറിമാരായ സി.എം. വാപ്പുട്ടി, കെ.പി.ഉമ്മർ , മുൻ മഹല്ല്ഭാരവാഹി ടി.ടി.മുഹമ്മദ് കുട്ടി ഹാജി, ക്ഷേത്രം പാരമ്പര്യ ട്രസ്റ്റി കെ.പി. ഗോപിനാഥൻ, ചെയർമാൻകെ. ഉണ്ണികൃഷ്ണൻ , ക്ഷേത്രം മേൽശാന്തി രാമൻ എമ്പ്രാന്തിരി, ക്ഷേത്ര സേവാ സമിതി പ്രസിഡണ്ട്ഷാജി, സെക്രട്ടറി ശിവദാസൻ , എക്സിക്യുട്ടീവ് മെമ്പർമാരായ ബി. വേണുഗോപാൽ, കെ.പി. വിശ്വനാഥൻ, ഏ കെ . ബാബു ,ടി.പി. മോഹനൻ , തുടങ്ങിയ ക്ഷേത്ര ഭാരവാഹികളും  മാതൃസമിതിഅംഗങ്ങളുൾപെടെ വൻ ജനാവലി ഈ സൗഹ്യദ സദസിന് സാക്ഷികളായി. അഖണ്ഡനാമത്തോടനുബന്ധിച്ച് നടത്തിയ അന്നദാനത്തിന് സഹോദര സമൂദായക്കാരായ നിരവധിപേർ പ്രത്യേക ക്ഷണി താക്കളായി പങ്കെടുത്തു. കാലം ആവശ്യപെടുന്ന ഇത്തരം കൂട്ടായ്മകൾ നാടിന്റെഐക്യവും സൗഹൃദവും ഊട്ടിയുറപ്പിക്കാൻ ഉതകട്ടെയെന്ന് പങ്കെടുത്തവർ പ്രത്യാശ പ്രകടിപിച്ചു.

വളാഞ്ചേരി നഗരസഭയുടെ 2022-23 വാർഷിക പദ്ധതിയിൽ ഉൾപ്പെടുത്തി വിവിധ പ്രദേശങ്ങളിലായി ദിശാ സൂചക ബോർഡ് സ്ഥാപിക്കുന്നതിന്റെ അൗപചാരിക ഉദ്ഘാടനം നഗരസഭ ചെയർമാൻ അഷറഫ് അമ്പലത്തിങ്ങൽ നിർവഹിച്ചു. നഗരസഭയിലെ മുഴുവൻ വാർഡുകളിലുമായി 56 - ഓളം ദിശാ ബോർഡുകളാണ് സ്ഥാപിക്കുന്നത്. യാത്രക്കാർക്കും മറ്റും സഞ്ചരിക്കുന്നതിനു സഹായകരമാകും എന്ന ലക്ഷ്യത്തോടെയാണ് ഈ…