എടപ്പാൾ: പോട്ടൂർ മോഡേൺ ഹയർസെക്കൻഡറി സ്കൂളിലെ എൽ.പി വിദ്യാർഥികൾവായനോത്സവമൊരുക്കിയാണ് ഇത്തവണ ക്രിസ്മസിനെ വരവേറ്റത്. വീഡിയോ ഗെയിമുകൾക്കും, ഫോണുകൾക്കുമൊപ്പം സഞ്ചരിച്ച് വായനയെ മറക്കുന്ന കുട്ടികൾക്ക് ക്രിസ്മസ് അവധിക്കാലംസർഗാത്മകമാക്കാൻ സാന്റായുടെ സമ്മാനം. സാന്റാ അപ്പൂപ്പന്റെ കൈയ്യിൽ നിന്നും ലഭിക്കുന്ന സമ്മാനപ്പൊതി അഴിച്ചാൽ കഥകളും, കവിതകളും, നോവലുകളും ഉറങ്ങുന്ന പുസ്തകച്ചങ്ങാതിമാരെ കിട്ടും.
ചങ്ങരംകുളം: കോക്കൂർഗവണ്മെന്റ് ടെക്നിക്കൽ ഹൈസ്കൂളിൽ ഫുഡ് ഫെസ്റ്റ് സംഘടിപ്പിച്ചു.സ്കൂൾസൂപ്രണ്ട് വി കെ സുരേന്ദ്രന്റെ അധ്യക്ഷതയിൽ ചേർന്ന'Tech Foodie Fest-2023' ന്റെ ഉദ്ഘാടനയോഗത്തിൽ പിടിഎ വൈസ് പ്രസിഡന്റ് സക്കീർ കൊഴിക്കര,സ്റ്റാഫ് അംഗങ്ങൾ എന്നിവർസംബന്ധിച്ചു.ത്രിതല പഞ്ചായത്തു പ്രതിനിധികളുടെ സഹകരണവും ഉണ്ടായിരുന്നു.ബിരിയാണിഫെസ്റ്റ്,ഫുഡ് സ്റ്റാളുകൾ,പ്രശസ്ത കൗൻസലിങ് വിദഗ്ദ്ധൻ ശ്രീജിത് നയിച്ച പാരന്റ് മോട്ടിവേഷൻക്ലാസ് ഡോക്ടർ ഷഹീമ ഷംസുദീന്റെ നേതൃത്വത്തിൽ മെഗാ മെഡിക്കൽ ക്യാമ്പ്,വിവിധ കലാപരിപാടികൾ എന്നിവയും നടന്നു.പൗര പ്രമുഖരുടെ സാന്നിദ്ധ്യം ഫുഡ് ഫെസ്റ്റിന് കൊഴുപ്പേകി.
എടപ്പാൾ: വട്ടംകുളം കുടുംബാരോഗ്യ കേന്ദ്രം സ്റ്റാഫ് കമ്മിറ്റിയുടെ നേതൃത്വത്തിൽ ക്രിസ്തുമസ്ആഘോഷം സംഘടിപ്പിച്ചു. മെഡിക്കൽ ഓഫീസർ ഡോ. എം എച്ച് മുഹമ്മദ് ഫസൽ ഉദ്ഘാടനംചെയ്തു. എ പി ഷൻ മുഖദാസ് അധ്യക്ഷത വഹിച്ചു. ഡോ.പി.സുജിത്ര.ഡോ അന്ത്ജലി, അജാസ്മുഹമ്മദ്, ടി കെ രവികുമാർ , കെ. ശോഭന, എം.സുനിത, കെ.അലേഘ , എം.അജിത പ്രസംഗിച്ചു.
പട്ടാമ്പി: സംസ്ഥാന ഭക്ഷ്യസുരക്ഷാ വകുപ്പിന്റെ ഓപ്പറേഷന് മത്സ്യയുടെ ഭാഗമായി പട്ടാമ്പിമീന്മാര്ക്കറ്റില് ഭക്ഷ്യസുരക്ഷാ വിഭാഗം മിന്നല് പരിശോധന നടത്തി. മാര്ക്കറ്റിലെ മത്സ്യമൊത്തവ്യാപാര കേന്ദ്രങ്ങളില് നിന്നും 34 സാമ്പിളുകള് പരിശോധിച്ചു. ചീഞ്ഞു തുടങ്ങിയതുംയഥാവിധി ഐസ് ഉപയോഗിച്ച് സൂക്ഷിക്കാത്തതുമായ ഉപയോഗയോഗ്യമല്ലാത്ത 100 കിലോയോളംമത്സ്യം കണ്ടെത്തി നശിപ്പിച്ചു കളഞ്ഞു. ആരോഗ്യത്തിന് ഹാനികരമായ രാസപദാര്ത്ഥങ്ങള് ഒന്നുംകണ്ടെത്താനായിട്ടില്ല. പട്ടാമ്പി സര്ക്കിള് ഭക്ഷ്യസുരക്ഷാ ഓഫീസര് ഡോ. സി.കെ അഞ്ജലി, ഷൊര്ണൂര് സര്ക്കിള് ഭക്ഷ്യസുരക്ഷാ ഓഫീസര് ടി.എച്ച് ഹിഷാം അബ്ദുള്ള എന്നിവരുടെനേതൃത്വത്തില് ജില്ലയിലെ മൊബൈല് ഫുഡ് ടെസ്റ്റിങ് ലബോറട്ടറിയുടെ സഹായത്തോടെയാണ്പരിശോധന നടത്തിയത്.
ചങ്ങരംകുളം:അസബാഹ് ആർട്സ് ആൻഡ് സയൻസ് കോളേജിലെ എന്റർപ്രണർഷിപ്പ്ഡെവലപ്മെൻറ് ക്ലബ്ബും ഫുഡ് ടെക്നോളജി ഡിപ്പാർട്ട്മെൻ്റും സംയുക്തമായി കേക്ക് ബേക്കിംഗ്വർക്ക്ഷോപ്പ് സംഘടിപ്പിച്ചു. ഈ ഡി ക്ലബ് കോർഡിനേറ്റർ കിരൺ സ്വാഗതം പറഞ്ഞു. കോളേജ്പ്രിൻസിപ്പൽ മുഹമ്മദ് കോയ എം എൻ അധ്യക്ഷത വഹിച്ച പരിപാടി മാനേജ്മെൻറ് കമ്മിറ്റിപ്രസിഡൻറ് പി പി എം അഷറഫ് ഉദ്ഘാടനം ചെയ്തു. ഫുഡ് ടെക്നോളജി വിഭാഗം മേധാവി റിസ്വാനവർക്ക് ഷോപ്പിന് നേതൃത്വത്തിൽ നൽകി. ഫുഡ് ടെക്നോളജി വിഭാഗം പി ജി വിദ്യാർത്ഥികൾ ഇ ഡിക്ലബ് അംഗങ്ങളും ചേർന്ന് കേക്ക് നിർമ്മിച്ചു. ഇ ഡി ക്ലബ് സ്റ്റുഡന്റ് കോഡിനേറ്റർ അൽത്താഫ് നന്ദിരേഖപ്പെടുത്തി.
എടപ്പാൾ: പൊന്നാനി ബ്ലോക്ക് പഞ്ചായത്ത് വനിതകൾക്ക് ഒരുക്കുന്ന പി.എസ്.സി പരിശീലനപദ്ധതിയും ഓറിയന്റേഷൻ ക്ലാസും സംസ്ഥാന ഓഡിറ്റ് ഡിപ്പാർട്ട്മെന്റ് ഡെപ്യൂട്ടി ഡയറക്ടർചിത്രലേഖ കെ.എസ് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് സി രാമകൃഷ്ണൻ അദ്ധ്യക്ഷത വഹിച്ചു. പി.എസ്.സി പരിശീലനത്തിനു തിരഞ്ഞെടുക്കപ്പെട്ട ഉദ്യോഗാർഥികൾക്ക് രാജൻവടകര ക്ലാസെടുത്തു. ബ്ലോക്ക് ആരോഗ്യ വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർമാൻ എൻ. ആർ. അനീഷ് ആശംസകളർപ്പിച്ചു. ബ്ലോക്ക് പഞ്ചായത്ത് മെമ്പർമാർ, ജീവനക്കാർ, ഉദ്യോഗാർഥികൾതുടങ്ങിയവർ പങ്കെടുത്തു.ബ്ലോക്ക് പഞ്ചായത്ത് സെക്രട്ടറി ലിജുമോൻ എസ് സ്വാഗതവും ബ്ലോക്ക് ക്ഷേമകാര്യ സ്റ്റാൻഡിങ്ങ് കമ്മിറ്റി ചെയർപേഴ്സൺ പ്രേമലത നന്ദിയും പറഞ്ഞു.
ചങ്ങരംകുളം: തൊഴിലവസരം നിഷേധിക്കലിനും റെയിൽവെ ദുരിതയാത്രക്ക് പരിഹാരം കാണതെതുടരുന്ന അവഗണനക്കും എതിരെ ഡിവൈഎഫ്ഐ ജനുവരി 24 ന് കാസർഗോഡ് മുതൽതിരുവനന്തപുരം വരെ നടത്തുന്ന മനുഷ്യച്ചങ്ങലയുടെ നന്നംമുക്ക് പഞ്ചായത്ത് സംഘാടക സമിതിരൂപീകരിച്ചു.ചങ്ങരംകുളം സ്നേഹ ഓഡിറ്റോറിയത്തിൽ എം.അജയഘോഷിൻ്റെ അധ്യക്ഷതയിൽചേർന്ന യോഗം പ്രശസ്ത സാഹിത്യകാരൻ ആലങ്കോട് ലീലാകൃഷ്ണൻ ഉദ്ഘാടനംചെയ്തു.യദുഗോപക്,വി.വി.കുഞ്ഞുമുഹമ്മദ് എന്നിവർ സംസാരിച്ചു.അക്ഷയ്.പി. എ സ്വാഗതവുംനിസാർ ബാബു നന്ദിയും പറഞ്ഞു.
എടപ്പാൾ: സ്ത്രീധനത്തിനും സ്ത്രീകൾക്കും കുട്ടികൾക്കും നേരെയുള്ള അതിക്രമങ്ങൾക്കുമെ തിരെഎടപ്പാൾ മണ്ഡലം മഹിളാ കോൺഗ്രസ് കമ്മിറ്റി എടപ്പാളിൽ സധൈര്യം എന്ന പേരിൽ രാത്രി നടത്തംസംഘടിപ്പിച്ചു. പഴയ ബ്ലോക്ക് മുതൽ അംശകച്ചേരി വരെ നടത്തിയ പരിപാടി സുരേഷ് പൊല്പാക്കരഉദ്ഘാടനം ചെയ്തു. ജിഷ കുട്ടത്ത് അധ്യക്ഷത വഹിച്ചു. ഇ പി വേലായുധൻ, അഡ്വ. കവിത ശങ്കർ, ടിഗോപിനാഥൻ, അമീർ കല്ലിങ്ങൽ, ശ്രീജ ചന്ദ്രൻ, റംല ഉണ്ണി, എന്നിവർ പ്രസംഗിച്ചു. സ്ത്രീധന വിരുദ്ധപ്രതിജ്ഞ എടുത്തു.
പൊന്നാനി:* പൊതു വിദ്യാഭ്യാസവകുപ്പ് അറബിക് യൂനിറ്റ് സംഘടിപ്പിക്കുന്ന മലപ്പുറം റവന്യൂ ജില്ലാഅറബിക് സെമിനാറും,അധ്യാപക സാഹിത്യ മത്സരവും അടുത്ത മാസം16 ന് പൊന്നാനിസബ്ജില്ലയിലെ പുറങ്ങ് ബിവൂസ് ലോഞ്ചിൽ വെച്ച് നടക്കും. 16 മത്സരയഇനങ്ങളിൽ ജില്ലയിലെ മുന്നോറോളം അധ്യാപകർ മത്സരാർത്ഥികളായും നാനൂറോളംഅധ്യാപകർ പ്രതിനിധികളായും പങ്കെടുക്കും. പരിപാടിയുടെ വിജയത്തിനായി വിപുലമായ സ്വാഗത സംഘം രൂപീകരിച്ചു. പുറങ്ങ് ബിവൂസ് ലോഞ്ചിൽ നടന്ന സ്വാഗതസംഘം രൂപീകരണ യോഗം ജില്ലാ പഞ്ചായത്തംഗം എ.കെസുബൈർ ഉദ്ഘാടനം ചെയ്തു.
കാലടി: ഗ്രാമ പഞ്ചായത്തിന്റെയും കുടുംബരോഗ്യ കേന്ദ്രത്തിന്റെയും ആഭിമുഖ്യത്തിൽ പരിരക്ഷവളണ്ടിയേഴ്സ് പരിശീലന പരിപാടി സംഘടിപ്പിച്ചു.വാർഡ് മെമ്പർ രജിത അധ്യക്ഷത വഹിച്ച പരിപാടിപഞ്ചായത്ത് പ്രസിഡന്റ് ബാബു കെ. ജി ഉദ്ഘാടനം ചെയ്തു.പഞ്ചായത്ത് പരിധിയിൽ ഉള്ള നിരവധിവളണ്ടിയർമാർ പരിശീലന പരിപാടിയിൽ പങ്കെടുത്തു. മംഗലം പഞ്ചായത്തിലെ പരിരക്ഷ ഫാക്കൾട്ടിഅബ്ദുൾ മജീദ് പരിശീലന ക്ലാസുകൾ അവതരിപ്പിച്ചു.സാമൂഹികമായ പങ്കാളിതത്തോടെഗുരുതരമായ രോഗം ബാധിച്ചവർക്കുണ്ടാകുന്ന ബുദ്ധിമുട്ട് കുറയ്ക്കുക എന്നതായിരുന്നു ഈട്രെയിനിങ് പരിപാടിയുടെ ലക്ഷ്യം.. മെഡിക്കൽ ഓഫീസർ ഡോക്ടർ സാജിദാ പൈകാടൻ, ഹെൽത്ത്ഇൻസ്പെക്ടർ ആൻഡ്രൂ.ടി, പരിരക്ഷ നേഴ്സ് സൗദാമിനി, മറ്റു ആരോഗ്യ പ്രവർത്തകർ എന്നിവർപരിശീലന പരിപാടിയിൽ പങ്കെടുത്തു.