ആനക്കര: കേന്ദ്രഗവൺമെന്റ് പദ്ധതികൾ അട്ടിമറിക്കാൻ ഇടത്-വലത് മുന്നണികൾ ഗൂഢാലോചനനടത്തുന്നുണ്ടെന്ന് ആരോപിച്ച് ബിജെപി കപ്പൂർ മണ്ഡലം കമ്മിറ്റി പതിനാറോളം കേന്ദ്രങ്ങളിൽസമരജ്വാല പ്രഖ്യാപിച്ചിരുന്നു. ഇതിൻ്റെ ഭാഗമായി ആനക്കര പഞ്ചായത്ത്‌ കമ്മറ്റി ആനക്കരസെന്ററിൽ സംഘടിപ്പിച്ച സായാഹ്നധർണ്ണ ബിജെപി പാലക്കാട്‌ ജില്ലാസെൽ കൺവീനർ സതീഷ്കുമാർ എം.പി ഉദ്ഘാടനം ചെയ്തു. ബിജെപി ആനക്കര പഞ്ചായത്ത്‌ പ്രസിഡന്റ്‌ പ്രീത ബാലചന്ദ്രൻ അധ്യക്ഷത വഹിച്ച ചടങ്ങിൽബിജെപി കപ്പൂർ മണ്ഡലം പ്രസിഡന്റ്‌ ദിനേശൻ എറവക്കാട് മുഖ്യപ്രഭാഷണം നടത്തി. രതീഷ് തണ്ണീർക്കോട്, സുബ്രഹ്മണ്യൻ ആനക്കര, രാമചന്ദ്രൻ ആനക്കര, രതീഷ് പെരുമ്പലം, നന്ദൻമേലെഴിയം, പ്രകാശൻ സിന്ദഗി, വീരമണി കുമ്പിടി, വിഷ്ണു മലമൽക്കാവ്, പ്രതീഷ്, ബൈജു.എംഎന്നിവർ പങ്കെടുത്ത് സംസാരിച്ചു. 

കൊച്ചി: ബലാത്സംഗക്കേസിൽ പ്രതിയായ എൽദോസ് കുന്നപ്പിള്ളി എം.എൽ.എയ്ക്ക് സസ്പെൻഷൻ. കെ.പി.സി.സി., ഡി.സി.സി. അംഗത്വമാണ് ആറുമാസത്തേക്ക് സസ്പെൻഡ് ചെയ്തത്. ബലാത്സംഗക്കേസുമായി ബന്ധപ്പെട്ട ചോദ്യങ്ങളിൽ വിശദീകരണം തൃപ്തികരമല്ലാത്തതിനാലാണ്നടപടി. അധ്യാപികയുടെ പരാതിയിൽ ബലാത്സംഗ കേസിൽ ചോദ്യം ചെയ്യലിനായി എൽദോസ് കുന്നപ്പിള്ളിശനിയാഴ്ച ക്രൈംബ്രാഞ്ചിന് മുന്നിൽ ഹാജരായിരുന്നു. തുടർന്ന് എൽദോസിന്റെ അറസ്റ്റ്രേഖപ്പെടുത്തുകയായിരുന്നു. മുൻകൂർ ജാമ്യമുള്ളസ്ഥിതിക്ക് അദ്ദേഹത്തെ വിട്ടയക്കുകയും ചെയ്തു. നവംബർ ഒന്നുവരെ അന്വേഷണ ഉദ്യോഗസ്ഥർ എപ്പോൾ ആവശ്യപ്പെട്ടാലും ഹാജരാകാനും മുൻകൂർജാമ്യ ഉപാധിയിൽ കോടതി അറിയിച്ചിട്ടുണ്ട്. ഈ സാഹചര്യത്തിൽ തുടർന്നുള്ള ദിവസങ്ങളിൽപോലീസ് അദ്ദേഹത്തെ ചോദ്യം ചെയ്യുമെന്നാണ് വിവരം. 

ചങ്ങരംകുളം: വർഗീയതയെയും തീവ്രവാദത്തെയും ഒരുപോലെ നേരിടാൻ വിവിധ സമുദായങ്ങളിൽപെട്ട എല്ലാവരും തയ്യാറാകണമെന്നും ഇവ രണ്ടും ഒരു നാണയത്തിന്റെ രണ്ടുവശങ്ങളാണെന്നുംമുസ്ലിംലീഗ് ഉന്നതാധികാര സമിതി അംഗം ഡോക്ടര്‍ എം കെ മുനീർ എംഎൽഎ പ്രസ്താവിച്ചു. ഇസ്ലാംഎന്ന് കേൾക്കുമ്പോൾ ജിഹാദ് എന്ന് പ്രചരിപ്പിക്കുന്നവർ നാട്ടിൽ വർഗീയ കലാപം കത്തിപ്പടരുന്നത്കാണാൻ ആഗ്രഹിക്കുന്നവരാണെന്നും അദ്ദേഹം പറഞ്ഞു. ചങ്ങരംകുളം മേഖല മുസ്ലിം ലീഗ് കമ്മിറ്റി സംഘടിപ്പിച്ച സി എച്ച് അനുസ്മരണ സമ്മേളനം ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം. സമുദായത്തിന്റെ മൊത്തത്തിലുള്ള സംരക്ഷണാവകാശം തങ്ങൾക്കാണെന്ന് വാദിക്കുന്നവരുണ്ട്. അതിനുള്ള അവകാശം ആർക്കും നമ്മൾ വെള്ളക്കടലാസിൽ എഴുതി കൊടുത്തിട്ടില്ല. ഇത്പറഞ്ഞതിന്റെ പേരിൽ വധഭീഷണി മുഴക്കിയവരും ഉണ്ട്. എന്നാൽ ഏത് പ്രതിസന്ധി ഘട്ടത്തിലുംപടച്ചവന്റെ മുന്നിലല്ലാതെ പടപ്പുകൾക്ക് മുമ്പിൽ തലകുനിക്കുന്ന പ്രശ്നമേ ഇല്ലെന്നും അദ്ദേഹംകൂട്ടിച്ചേർത്തു.കഴിഞ്ഞദിവസം ഒരു പ്രസ്ഥാനത്തെ നിരോധിച്ചപ്പോൾ അതിനെ അനുകൂലിക്കുന്നവരുംപ്രതികൂലിക്കുന്ന വരും എന്ന രീതിയിലുള്ള ചർച്ചകളാണ് ഇപ്പോൾ നടക്കുന്നത്. നിരോധനത്തെഅനുകൂലിച്ച് സംസാരിക്കുന്നവരെ സമുദായത്തിന്റെ ഒറ്റുകാരാണെന്ന് പറഞ്ഞു ചിലർസമൂഹമാധ്യമങ്ങളിൽ പ്രചരിപ്പിക്കുന്നുണ്ട്. എന്നാൽ സമുദായത്തെ ഒറ്റുകൊടുക്കുന്നവരെയാണ്ഇപ്പോൾ നിരോധിച്ചിട്ടുള്ളത് എന്നും മുനീർ കൂട്ടിച്ചേർത്തു. ഇതിനെ ശക്തമായി എതിർക്കുന്ന അതേസ്വരത്തിൽ തന്നെ നമ്മൾ കാക്കി ട്രൗസറിട്ട് റൂട്ട് മാർച്ച് ചെയ്യുന്നവരെയും എതിർക്കാനുള്ള ആർജ്ജവംകാണിക്കണമെന്നും അദ്ദേഹം കൂട്ടിചേർത്തു. ചങ്ങരംകുളം ഗാലക്സി ഓഡിറ്റോറിയത്തിൽ വെച്ച് നടന്ന അനുസ്മരണ പരിപാടിയിൽ മേഖല മുസ്ലിംലീഗ് പ്രസിഡണ്ട് സി എം യൂസഫ് അധ്യക്ഷത വഹിച്ചു. അജിത്ത് കൊളാടി, സിപി സൈതലവി, സി ഹരിദാസ്, അഷ്റഫ് കോക്കൂർ എന്നിവർ അനുസ്മരണപ്രഭാഷണം നടത്തി.

സംസ്ഥാനത്തിന്റെ വിവിധ ജില്ലകളിൽ നിന്ന് കഴിഞ്ഞ ആറു മാസക്കാലമായി  സ്ക്രാപ്പ് മാലിന്യം(ഇലക്ട്രോണിക് മാലിന്യം, തെർമോകോൾ, ഫ്രിഡ്ജ് ന്റെ വേസ്റ്റ്, etc..) എന്നിവ എടയൂരിലേക്ക്എത്തുന്നു. പഞ്ചായത്ത് ഭരണസമിതിക്കും പോലീസ് അധികാരികൾക്കും നിരവധി തവണ പരാതിനൽകി എങ്കിലും ഫലം ഉണ്ടായില്ല.  രാത്രിയുടെ മറവിൽ നടക്കുന്ന ഇത്തരം സാമൂഹ്യ വിരുദ്ധ പ്രവർത്തനങ്ങളെ ചൂണ്ടിക്കാണിച്ച്ഡി.വൈ.എഫ്.ഐ എടയൂർ മേഖലാ കമ്മിറ്റി പഞ്ചായത്ത് ഓഫീസിലേക്ക് പ്രതിഷേധ മാർച്ചുംഇതിനിടെ സംഘടിപ്പിച്ചിട്ടുണ്ട്. ഇതിന്റെ അടിസ്ഥാനത്തിൽ ആണ് DYFI പ്രവർത്തകർ ഇന്ന് എടയൂർ ചീനിച്ചോട് വച്ച്  മാലിന്യവുമായി എത്തിയ വാഹനങ്ങൾ തടയുന്ന പ്രവർത്തനം ഏറ്റെടുത്തത്. പോലീസ് സ്ഥലത്തെത്തി കുറ്റക്കാർക്കെതിരെ  കർശന നടപടിയെടുക്കുമെന്ന് ഡി.വൈ.എഫ്.ഐപ്രവർത്തകർക്ക് ഉറപ്പു നൽകി.