അങ്ങാടിപ്പുറം : മുൻ മങ്കട എം.എൽ.എ. ടി.എ. അഹമ്മദ് കബീറിന്റെ ആസ്തിവികസനഫണ്ടിൽനിന്ന് 14 മിനിമാസ്റ്റ് വിളക്കുകൾ സ്ഥാപിച്ചു. വിളക്കുകളുടെ ഉദ്ഘാടനം മഞ്ഞളാംകുഴി അലിഎം എൽ എ നിർവഹിച്ചു. അങ്ങാടിപ്പുറം പഞ്ചായത്തിലെ പരിയാപുരം, പൂപ്പലം, കുന്നത്തപ്പടി, വലമ്പൂർ അത്താണി, ഏറാന്തോട് ജങ്ഷൻ, സോപാനം, കോട്ടപ്പറമ്പ്, തിരൂർക്കാട് ഖാസിം ദർവേശ്മസ്ജിദ്, തിരൂർക്കാട് സ്‌കൂൾപ്പടി, അരിപ്ര കാവുംപടി, തോണിക്കര, തിരൂർക്കാട് പടിഞ്ഞാറെപ്പാടം, തിരൂർക്കാട് പാറ, പീടികപ്പടി, ചോലയിൽകുളമ്പ് എന്നീ സ്ഥലങ്ങളിലാണ് മിനിമാസ്റ്റ് വിളക്കുകൾസ്ഥാപിച്ചത്.

ചങ്ങരംകുളം : കോക്കൂർ എ എച്ച് എം ജി എച്ച് എസിലെ 2009-10 എസ് എസ് എൽ സി ബാച്ച് പൂർവ്വവിദ്യാർത്ഥി സംഗമം "ഒത്തുകൂടാം ഒത്തിരി നേരം" എന്ന പേരിലാണ് നടത്തിയത്. 2009-10 കാലഘട്ടത്തിൽ സ്ക്കൂളിൽ പഠിച്ച വിദ്യാർഥികളും, അധ്യാപകരും, അവരുടെ കുടുംബവുംപരിപാടിയിൽ പങ്കെടുത്തു. രാവിലെ സ്ക്കൂൾ സന്ദർശനത്തിന് ശേഷമാണ് ഔദ്യോഗിക പരിപാടികൾആരംഭിച്ചത്. ചടങ്ങിന് സൻസിയ സ്വാഗതം പറഞ്ഞു. മാധ്യമ പ്രവർത്തകൻ ഫാരിസ് പാവിട്ടപ്പുറംഅധ്യക്ഷത വഹിച്ചു. പരിപാടിയുടെ ഉദ്ഘാടനം ആലംകോട് ഗ്രാമപഞ്ചായത്ത് പ്രഡിഡന്റ് കെ.വിഷഹീർ നിർവഹിച്ചു.  വെൽഫെയർ കമ്മറ്റി ചെയർമാൻ അഷ്‌റഫ്‌ കോക്കൂർ മുഖ്യ പ്രഭാഷണം നടത്തി. ഇക്കാലയളവിൽസ്കൂളിൽ പഠിക്കുകയും അകാലത്തിൽ മരണപ്പെടുകയും ചെയ്ത സഹപാഠികളായ അബൂബക്കർ, മുബഷിറ, ഷഹർബാൻ എന്നിവരെ അനുസ്മരിച്ചു. അദ്ധ്യപകരെയും ആ കാലയളവിൽ സ്‌കൂളിന്സമഗ്ര സംഭാവനകൾ നൽകിയ മാധ്യമ പ്രവർത്തകരായ റസാഖ് അരിക്കാട്, ദാസ് കോക്കൂർ, ഷാഫിചങ്ങരംകുളം എന്നിവരെയും ചടങ്ങിൽ ആദരിച്ചു. പൂർവ്വ വിദ്യാർത്ഥി സംഗമത്തിനോടനുബന്ധിച്ച്ഒരുക്കുന്ന ജീവ കാരുണ്യ പ്രവർത്തനങ്ങൾ എന്നിവ ചടങ്ങിൽ പ്രഖ്യാപിച്ചു. അധ്യാപകർ, സാമൂഹികസാംസ്കാരിക പ്രവർത്തകർ എന്നിവർ സംസാരിച്ചു. ഔദ്യോഗിക പരിപാടികൾക്ക് ശേഷം പൂർവ്വവിദ്യാർഥികളുടെയും, കുട്ടികളുടേയും കലാപരിപാടികൾ അരങ്ങേറി. ആഷിഫ് കോക്കൂർ, പി എഅൻഷാദ്, ഷാക്കിർ കോഴിക്കര, മാജിദ് വളയംകുളം, കെ.എച്ച് റമീഷ, ജിൻസി എന്നിവർസംസാരിച്ചു. 

ഇരുമ്പിളിയം.. എംഇഎസ് ഹയർസെക്കൻഡറി സ്കൂളിലെ എൻഎസ്എസ് വോളണ്ടിയർ ആയപവിത്ര ബി കെ സ്നേഹനിധിയിലൂടെ ഫണ്ട് സ്വരൂപിച്ച് ഇരുമ്പിളിയം പഞ്ചായത്തിലെ ജീവനിപാലിയേറ്റീവ് കെയർ യൂണിറ്റിന് വീൽചെയർ നൽകി മാതൃകയായി. തനിക്ക് ഓണത്തിനുംവിഷുവിനും കൈനീട്ടമായി കിട്ടിയ തുക സ്വരൂപിച്ച് വെച്ചാണ് പവിത്ര ബാലകൃഷ്ണൻ വീൽചെയറിനുവേണ്ടിയുള്ള പണം കണ്ടെത്തിയത്. ഈ ഉദ്യമത്തിൽ സ്കൂളിലെ മറ്റ് എൻഎസ്എസ്വളണ്ടിയേഴ്സിന്റെ സഹകരണവും ഉണ്ടായിരുന്നു. സ്കൂൾ അങ്കണത്തിൽ വച്ച് നടത്തിയ ചടങ്ങിൽപിടിഎ പ്രസിഡൻറ് സുരേഷ് മലയത്ത് ജീവനി പാലിയേറ്റീവ് പ്രതിനിധികളായ ബാവ അയ്യൂബ്എന്നിവർക്ക് വീൽചെയർ കൈമാറി. ജീവകാരുണ്യ പ്രവർത്തകനും കൊളത്തൂർ വാർത്ത സീനിയർഅഡ്മിനുമായ ബാലകൃഷ്ണൻ വലിയാട്ടിന്റെ മകളാണ് പവിത്ര . ഏഴു വർഷമായി പവിത്ര  ഓണത്തിൽ നിന്ന് സ്നേഹനിധി എന്ന പേരിൽ പാലിയേറ്റീവിന് സഹായധനം കൈമാറുന്നു.  എൻഎസ്എസ് പ്രോഗ്രാം ഓഫീസർ സൈനുദ്ദീൻ പി യുടെ നേതൃത്വത്തിൽ നടന്ന ചടങ്ങിന്റെഅധ്യക്ഷ സ്ഥാനം വഹിച്ചത് സ്കൂൾ പ്രിൻസിപ്പൽ സി എം ഫിറോസ് ആണ്. ചടങ്ങിൽ അധ്യാപകരായഷറഫുദ്ദീൻ, ഷാഹിന എം വി ,സൈതലവി  പി ,കെ ഓ തങ്കമണി, സുധീർ വി, മുഹ്സിൻ നിയാസ് , ഹക്കീം വി .പി എന്നിവർ പങ്കെടുത്തു.

ചങ്ങരംകുളം: കേരള സംസ്ഥാന പൊതു വിദ്യാഭ്യാസ വകുപ്പ് നടത്തിയ സംസ്കൃതം സ്കോളർഷിപ്പിന്വിജയം കൊയ്ത് കെ.വി.യു.പി സ്കൂൾ. കക്കിടിപ്പുറം കെ.വി.യു.പി സ്കൂളിലെ കെ.തൃകന്യ, പി. അവനി സന്ദീപ്, പി.ആർ. ധീരജ്, കെ.വി.ഭരദ്വാജ്, പി.ഡി. അക്ഷിത് കൃഷ്ണ, പി.പി.അക്ഷയ്,കെ.ടി.ശ്രീദേവിക, കെ.എം.അതുല്യ എന്നിവരാണ്സ്കോളർഷിപ്പിന് അർഹരായത്.

എടപ്പാൾ: തവനൂർ മണ്ഡലത്തിലെ  ഗ്രന്ഥശാലകൾക്ക് പുസ്തകവിതരണം നടത്തി. എം.എൽ.എഫണ്ടിൽ നിന്ന് 3 ലക്ഷം രൂപ ചെലവിട്ട്  41 ലൈബ്രറികൾക്കാണ് പുസ്തകങ്ങൾ നൽകുന്നത്. എടപ്പാൾ ഫോറം സെന്ററിൽ നടന്ന പരിപാടി കെ ടി ജലീൽ എം എൽ എ ഉദ്ഘാടനം ചെയ്തു. മലപ്പുറംജില്ലാ ലൈബ്രറി കൗൺസിൽ പ്രസിഡണ്ട് എ.ശിവദാസൻ അദ്ധ്യക്ഷത വഹിച്ചു. എം.കെ.എം ഗഫൂർ, എൻ.ആർ അനീഷ് തുടങ്ങിയവർ സംസാരിച്ചു. ഹൈസ്കൂളുകൾ, അംഗീകൃത ഗ്രന്ഥശാലകളിൽനിന്നുള്ള ഭാരവാഹികൾ ലൈബ്രറിയേറിയൻ തുടങ്ങി വിവിധ രാഷ്ട്രീയ സാമൂഹിക സാംസ്കാരികപ്രവർത്തകർ പങ്കെടുത്തു. കുണ്ടയാർ ഫൈറ്റേഴ്സ് ഗ്രന്ഥാലയം സെക്രട്ടറി ബിജു കുണ്ടയാർ സ്വാഗതംപറഞ്ഞു.

എടപ്പാൾ: ഗവ ഹയർ സെക്കൻഡറി സ്കൂളിൽ അധ്യാപകരുടെയും പിടിഎ ഭാരവാഹികളുടെയുംവിദ്യാർത്ഥികളുടെയും നേതൃത്വത്തിൽ നടത്തിയ പച്ചക്കറി കൃഷിയുടെ വിളവെടുപ്പ് നടത്തി. വെണ്ടയ്ക്ക, പയർ, വഴുതനങ്ങ,മുളക്, വെള്ളരി,  തക്കാളി, ചീര എന്നിവയുടെ വിളവെടുപ്പാണ്നടത്തിയത്. കേരള സർക്കാരിന്റെ അടുക്കളത്തോട്ടം  പദ്ധതിയുടെ ഭാഗമായാണ് പിടിഎ യുടെനേതൃത്വത്തിൽ ജൈവ പച്ചക്കറിയുടെ കൃഷി നടത്തുന്നതിനും വിളവെടുപ്പിനും പിടിഎ തീരുമാനിച്ചത്.  വിളവെടുപ്പ് പിടിഎ പ്രസിഡണ്ട് അഡ്വക്കറ്റ് കബീർ കാരിയാട്ട് ഉദ്ഘാടനം ചെയ്തു. പ്രിൻസിപ്പൽ കെഎം അബ്ദുൽ ഗഫൂർ പ്രധാനാധ്യാപിക സരോജിനി ടീച്ചർ ശ്രീജില ടീച്ചർ പിടിഎ എക്സിക്യൂട്ടീവ്അംഗം നിഷ, വിനീത മറ്റു  അധ്യാപകരും വിദ്യാർത്ഥികളും വിളവെടുപ്പിന്  നേതൃത്വം നൽകി.  ഇനിയുംതുടർന്നങ്ങോട്ട്  കൂടുതൽ നല്ല രീതിയിൽ പച്ചക്കറി കൃഷി നടത്തുമെന്ന് പി ടി എ പ്രസിഡന്റ്അഡ്വക്കറ്റ് കബീർ കാരിയാട്ട് അറിയിച്ചു.