ചങ്ങരംകുളം: ഓർമകളുടെ ലോകത്തേക്ക് തിരിഞ്ഞുനടന്ന് അധ്യാപക വിദ്യാർത്ഥി കുടുബ സംഗമം കോക്കൂർ ഗവ:ഹൈസ്ക്കൂളിൽ 1992- 93 ബാച്ച് എസ് എസ് എൽ സി വിദ്യാർത്ഥികളുംഅധ്യാപകരുമാണ് ഓട്ടോഗ്രാഫ് 93 എന്ന പേരിൽ സ്ക്കൂൾ ക്യാമ്പസിൽ സംഗമിച്ചത്. മുപ്പത്വർഷങ്ങൾക്ക് ശേഷം സൗഹൃദം പുതുക്കി സ്മരണകൾ പങ്കുവെച്ചത് ഏവർക്കും പുതിയഅനുഭവമായി. ലോകത്തിന്റെ വിവിധ ഭാഗങ്ങളിലായി പ്രവാസി ബിസിനസുകാർ,ഉന്നതഉദ്യോഗസ്ഥർ,എഞ്ചിനീയർമാർ,അധ്യാപകർ,ഐ.ടി. വിദഗ്ദർ, സ്വകാര്യ പൊതുമേഖലാസ്ഥാപനങ്ങളിലെ ജീവനക്കാർ,വ്യാപരികൾ, സംരംഭകർ തുടങ്ങി വിവിധ മേഖലകളിൽ ജോലിചെയ്യുന്നവരുടെ ഒരു വലിയ നിര ഈ ഒത്തുചേരലിൽ പങ്കാളികളായി.
മരണപ്പെട്ടുപോയ അധ്യാപകരെയും വിദ്യാർത്ഥികളും ചടങ്ങിൽ അനുസ്മരിച്ചു.സംഗമത്തിൽആദരവ്,ഉപഹാര സമർപ്പണം,കലാപരിപാടികൾ എന്നിവ നടന്നു. പി ടി എ പ്രസിഡന്റ് മുജീബ്കോക്കൂർ ഉദ്ഘാടനം ചെയ്തു. അഷറഫ് കൊഴിക്കര അധ്യക്ഷത വഹിച്ചു.കെ.വി. സൈഫുദ്ധീൻ,ഹുറൈർ കൊടക്കാട്ട്,ജലീൽ വൈരങ്കോട്,രൂപേഷ് ചങ്ങരംകുളം,പി.ഇ ജലീൽ,റഫീഖ്എറവറാംകുന്ന്,ഇ.വി. മുജീബ്,റസാക്ക് നെല്ലറ,കെ. വി ഹനീഫ,ഹാബിറ ചാലിശ്ശേരി,മുജീബ്കൊഴിക്കര,റസിയ അബ്ബാസ്,കെ. സുഹറാബി എന്നിവർ സംഗമത്തിന് നേതൃത്വം നൽകി.
