പറയിപെറ്റ പന്തിരുകുലത്തിലെ പ്രധാനി നാറാണത്തുഭ്രാന്തന് ദേവീ ദര്‍ശനം ലഭിച്ചുവെന്നഐതിഹ്യത്തിലാണ് എല്ലാ വര്‍ഷവും തുലാം ഒന്നിന് വിശ്വാസികൾ മലകയറുന്നത്. പട്ടാമ്പിക്കടുത്ത്കൊപ്പം വളാഞ്ചേരി പാതയില്‍ നടുവട്ടത്തിന് സമീപമാണ് ചരിത്രപ്രസിദ്ധമായ രായിരനെല്ലൂര്‍ മല. മലയുടെ തെക്കും പടിഞ്ഞാറും ഭാഗങ്ങളിലൂടെ പ്രഭാതം മുതൽ മധ്യാഹ്നം വരെ ഭക്തരും സാഹസികപ്രേമികളൂം മലയിലേക്ക് പ്രയാണം ചെയ്യും. സമുദ്രനിരപ്പിൽനിന്ന് അഞ്ഞൂറ് അടി ഉയരത്തിലുള്ളമലമുകളിൽ ഭ്രാന്തൻ പ്രതിഷ്ഠ നടത്തിയ ദുർഗാ ക്ഷേത്രത്തിൽ ദർശനവും നാറാണത്തു ഭ്രാന്തന്റെപ്രതിമയും വലംവെച്ച് വണങ്ങിയുമാണ് മലയിറക്കം.