ന്യൂഡല്ഹി: ഡ്രൈവര് ഉറങ്ങിപ്പോയതിനെ തുടര്ന്ന് കാര് വിമാനത്തിനടിയില് ചക്രത്തിന്തൊട്ടടുത്തായി നിര്ത്തി.
ഡല്ഹി ഇന്റനാഷണല് ഇന്ദിരാഗാന്ധി എയര്പോര്ട്ടിന്റെ രണ്ടാം ടെര്മിനലിലാണ് സംഭവം. ചൊവ്വാഴ്ച രാവിലെ ആറു മണിയോടെ ഗോ ഫസ്റ്റിന്റെ ഗ്രൗണ്ട് വെഹിക്കിള് ഡ്രൈവര്ഉറങ്ങിപ്പോയതിനെ തുടര്ന്ന് കാര് ഇന്ഡിഗോ വിമാനത്തിന് ഇടിച്ചെന്ന മട്ടില് നിര്ത്തുകയായിരുന്നു. പട്നയിലേക്ക് പുറപ്പെടാനിരുന്ന വിമാനമാണ് തലനാരിഴക്ക് അപകടത്തില്നിന്ന് രക്ഷപ്പെട്ടത്. സംഭവത്തില് ഏവിയേഷന് റെഗുലേറ്റര് ഡയറക്ടറേറ്റ് ജനറല് ഓഫ് സിവില് ഏവിയേഷന്അന്വേഷണം തുടങ്ങിയിട്ടുണ്ട്.
വിമാനത്തിന് കേടുപാടുകള് റിപ്പോര്ട്ട് ചെയ്യപ്പെട്ടിട്ടില്ല. ഡ്രൈവര് ഉറങ്ങിപ്പോയതാണ് അപകടകരമായഡ്രൈവിങ്ങിന് ഇടയാക്കിയതെന്ന് എയര്പോര്ട്ട് അധികൃതര് സ്ഥിരീകരിച്ചിട്ടുണ്ട്. എന്നാല്സംഭവത്തില് പ്രതികരിക്കാന് ഗോ ഫസ്റ്റ് തയാറായിട്ടില്ല.
‘വി.ടി. ഐ.ടി.ജെ എന്ന പേരില് രജിസ്റ്റര് ചെയ്ത ഇന്ഡിഗോ എയര്ക്രാഫ്റ്റ് എ320നിയോഇന്ദിരഗാന്ധി അന്താരാഷ്ട്ര വിമാനത്താവളത്തില് രണ്ടാം ടെര്മിനലില് 201ാം സ്റ്റാന്ഡില്നിര്ത്തിയിട്ടിയിരിക്കുകയായിരുന്നു. സംഭവം നടക്കുമ്ബോള് 6ഇ -2022 സര്വീസ്നടത്താനുമിരിക്കുകയായിരുന്നു. അപ്പോള് ഗോ ഫസ്റ്റിന്റെ ഗ്രൗണ്ട് വാഹനമായ മാരുതി സ്വിഫ്റ്റ്ഡിസയ്ര് വിമാനത്തിന്റെ നോസ് ഭാഗത്തിന് തൊട്ടടുത്ത് വരെ ഓടിയെത്തി. വിമാനത്തിനോആളുകള്ക്കോ പരിക്കില്ല‘ ഡിജിസിഎ അധികൃതര് വ്യക്തമാക്കി. കാര് ഡ്രൈവറെ ബ്രീത്ത്അനലൈസര് പരിശോധന നടത്തിയെങ്കിലും നെഗറ്റീവായിരുന്നു റിസള്ട്ടെന്നും അധികൃതര്അറിയിച്ചു. റിസള്ട്ട് നെഗറ്റീവായതിനാല് ഡ്രൈവര് തുടര്ച്ചയായ ഷിഫ്റ്റുകളില് ജോലിചെയ്തതിനാലോ അമിത ജോലി ചെയ്തതിനാലോയാകാം അപകടകരമായ സംഭവത്തിന്ഇടവരുത്തിയതെന്ന് ഡിജിസിഎ മുന് ഉദ്യോഗസ്ഥന് പറഞ്ഞു.
