മാറഞ്ചേരി: അറിയപ്പെടാതെ കിടക്കുന്ന ടൂറിസം സ്പോട്ടുകൾ കണ്ടെത്തി വിവിധ ടൂറിസംസർക്യൂട്ടുകളുമായി ബന്ധിപ്പിക്കുന്നതിനും , ജനങ്ങൾക്ക് ഗുണപ്രദമാകുന്ന കേന്ദ്രങ്ങളാക്കി മാറ്റുന്ന  കേരള സർക്കാർ പദ്ധതിയായ ഡെസ്റ്റിനേഷൻ ചലഞ്ചിൽ മാറഞ്ചേരി ഗ്രാമപഞ്ചായത്തിലെ പുറങ്ങ്  പഴയകടവും ഉൾപ്പെടുത്തുന്നതിന് പ്രൊപോസൽ സമർപ്പിച്ചിട്ടുണ്ട് .അതിന്റെ ഭാഗമായി പെരുമ്പടപ്പ്ബ്ലോക്ക് പ്രെസിഡണ്ട് അഡ്വ ഇ സിന്ധു , തദ്ദേശ ഭരണ അസിസ്റ്റന്റ് എക്സികുട്ടീവ് എഞ്ചിനീയർഅജിത്കുമാർ , എ ഇ രെഷ്മ , ടൂറിസം വകുപ്പ് എം പാനൽ ആർക്കിടെക്റ്റ്  വിജയൻ , ജനപ്രതിനിധികളായ കെ സി ശിഹാബ് , നിഷാദ് അബൂബക്കർ , ബി ഡി ഒ കെ ജെ അമൽദാസ്അടക്കമുള്ളവർ സ്ഥലം സന്ദർശിച്ചു . ടൂറിസം വകുപ്പും പെരുമ്പടപ്പ് ബ്ലോക്ക് പഞ്ചായത്തും ചേർന്ന്കൊണ്ടാണ് പദ്ധതി നടപ്പാക്കുക . മാറഞ്ചേരി ഗ്രാമ പഞ്ചായത്തിന്റെ കൈവശമുള്ളതും കുണ്ടുകടവ്സെന്ററിന് അടുത്തുള്ളതുമായ  പഴയ കടവ് പുഴ പുറമ്പോക്ക് ഭൂമിയിൽ ആണ് പദ്ധതി യാഥാർഥ്യമാവുക .ആളുകൾക്ക് വിനോദത്തിനും വിശ്രമത്തിനു മായുള്ള കേന്ദ്രം , വിവിധ കലാസാംസ്കാരികപരിപാടികൾ അവതരിപ്പിക്കാനുള്ള ഓപ്പൺ എയർ പോഡിയം , റെയിൻ ഹട്ട് , ഫിഷിങ് ഡക്ക് , ബോട്ട്ജെട്ടി. അടക്കമുള്ള പദ്ധതിയാണ് രൂപകൽപ്പന ചെയ്യുന്നത്.