എടപ്പാൾ: അന്ധവിശ്വാസങ്ങൾക്കും അനാചാരങ്ങൾക്കും എതിരായി ശാസ്ത്ര ചിന്തയും നവോത്ഥാനആശയങ്ങളും ഉയർത്തിപ്പിടിച്ച് ബാലസംഘം എടപ്പാൾ ഏരിയ കമ്മിറ്റിയുടെ നേതൃത്വത്തിൽ എടപ്പാൾചുങ്കത്ത് പ്രതിഷേധ ശൃംഖലയും, അന്ധവിശ്വാസ വിരുദ്ധ പ്രതിജ്ഞയും പ്രതിരോധവും സംഘടിപ്പിച്ചു.
ബാലസംഘം മലപ്പുറം ജില്ലാ സെക്രട്ടറി ആയിഷ ഷഹ്മ പരിപാടി ഉദ്ഘാടനം ചെയ്തു. ഏരിയപ്രസിഡന്റ് അനാമിക അധ്യക്ഷയായ പരിപാടിയിൽ ജില്ലാ വൈസ് പ്രസിഡന്റ് രോഹിത് പ്രതിജ്ഞചൊല്ലി കൊടുത്തു. ബാലസാഹിത്യകാരൻ എടപ്പാൾ സി.സുബ്രഹ്മണ്യൻ, ബാലസംഘം എടപ്പാൾഏരിയ കൺവീനർ ടി.കെ സൂരജ്, ഏരിയ കോർഡിനേറ്റർ പ്രബീഷ്, ജില്ലാ കമ്മിറ്റിയംഗം പ്രതീജ, ജിതേഷ് എന്നിവർ സംസാരിച്ചു. ഏരിയ സെക്രട്ടറി രേവതി സ്വാഗതവും ഏരിയ വൈസ് പ്രസിഡന്റ്വിഷ്ണു നന്ദിയും പറഞ്ഞു.
