കുമരനെല്ലൂർ: കപ്പൂർ കൃഷിഭവൻ്റെ നേതൃത്വത്തിൽ കർഷക ദിനാഘോഷവും വിളംബര ജാഥയും, മികച്ച കർഷകരെ ആദരിക്കലും നടന്നു. കപ്പൂർ ഗ്രാമപഞ്ചായത്ത് പ്രസിഡണ്ട് ഷറഫുദ്ദീൻ കളത്തിൽഉദ്ഘാടനം ചെയ്ത പരിപാടി മുതിർന്ന കർഷകൻ ശ്രീ മൊയ്തു ഹാജി പന്തലിങ്ങൽ അദ്ധ്യക്ഷനായി. വൈസ് പ്രസിഡണ്ട് കെ.വി ആമിന കുട്ടി, എസ് സി ബി ബാങ്ക് പ്രസിഡണ്ട്, അബ്ദുള്ള മാസ്റ്റർ, കനറാബാങ്ക് മാനേജർ ധനലക്ഷ്മി, സ്ഥിരം സമിതി ചെയർമാൻമാരായ പി.ജയൻ, വി.യു സുജിത, കെ.വിരവീന്ദ്രൻ, കെ.മൂസകുട്ടി, സി.എം അലി മാസ്റ്റർ, കെ.ടി അബ്ദുള്ള കുട്ടി, അബൂബക്കർ, ജയലക്ഷ്മിതുടങ്ങിയവർ കർഷകരെ ആദരിച്ചു.
വിവിധ രാഷട്രീയ പാർട്ടി പ്രതിനിധികളായ എം.പി കൃഷ്ണൻ, പി.രാജീവ്, വൈശാഖ് കെ.വി, ഖാലിദ്എൻ, നാരായണൻ കുട്ടി, എം.ബാവ കർഷക പ്രതിനിധികളായ വി.വി നാരായണൻ, പത്തിൽമൊയ്തുണ്ണി തുടങ്ങിയവർ ആശംസകൾ അർപ്പിച്ചു. പഞ്ചായത്തിലെ പതിനാറോളം കർഷകരെ ആദരിച്ചു. കൃഷി ഓഫീസർ സഹന ഹംസ എൻ എച്ച് സ്വാഗതം പറഞ്ഞു. വാർഡ് അംഗം പി.ശിവൻനന്ദി രേഖപ്പെടുത്തി.
