സംസ്ഥാന സ്കൂൾ കലോത്സവത്തിൽ അറബിക് കഥാ രചനാ മത്സരത്തിൽ ഒന്നാം സ്ഥാനം നേടി  ആഷിബ സി ബി

ചങ്ങരംകുളം: കോഴിക്കോട് ആരംഭിച്ച സംസ്ഥാന സ്കൂൾ കലോത്സവത്തിൽ ഹയർ സെക്കണ്ടറിവിഭാഗം അറബിക് കഥാ രചനാ മത്സരത്തിൽ പാവിട്ടപ്പുറം അസ്സബാഹ് ഹയർ സെക്കണ്ടറി സ്കൂൾഫോർ ഗേൾസിലെ പ്ലസ്ടു വിദ്യാർത്ഥിനി ആഷിബ സി.ബി  എ ഗ്രേഡോടെ ഒന്നാം സ്ഥാനംനേടി.നന്നംമുക്ക് ചങ്ങരത്ത് വളപ്പിൽ സിഎം ബഷീറിന്റെയും അനീഷയുടെയും മകളായ ആഷിബപ്ലസ് വൺ പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയിട്ടുണ്ട്.കലോത്സവത്തിൽ മികച്ചവിജയം നേടിയ ആഷിബയെ  അധ്യാപകരും   മാനേജ്മെന്റും രക്ഷാകർതൃസമിതിയും  അഭിനന്ദിച്ചു. 

ഇന്ത്യ ബുക്ക് ഓഫ് റെക്കോഡ്സിൽ ഇടം നേടിയ സഹോദരിമാരെ അഭിനന്ദിച്ചു

മിറർ റൈറ്റിംഗിൽ (തിരി ച്ചെഴുത്ത്)ഇന്ത്യ ബുക്ക് ഓഫ് റെക്കോഡ്സിൽ ഇടം നേടിസഹോദരിമാരായഷെറിൻ സാറാ ഷാജിയെയും,  സഹോദരി ഷോണ സാറാ ഷാജിയെയുമാണ്പഞ്ചായത്ത് ഭരണ സമിതിയുടെ നേതൃത്വത്തിൽ അനുമോദിച്ചത്. പ്രസിഡന്റ് ഹസീന ഇബ്രാഹിം, വൈസ് പ്രസിഡന്റ് കെ.പി. വേലായുധൻ പഞ്ചായത്ത് അംഗങ്ങളായ പി.ടി. അയൂബ്, നൗഷാദ് മണി, കെ.പി വസന്ത, റസീന തസ്നി തുടങ്ങിയവർ പങ്കെടുത്തു... അദ്ധ്യാപകരായ പൂക്കാട്ടിരി തെക്കെ മമ്മരപള്ളിൽ സ്മിത തോമസിന്റെയും ഷാജി പേരോഴിയുടെയും മക്കളാണ് ഷെറിൻ സാറാ ഷാജിയും,  സഹോദരി ഷോണ സാറാ ഷാജിയും  'ഇന്ത്യ എന്റെ നാടാണ് എല്ലാ ഇന്ത്യക്കാരും സഹോദരിസഹോദരൻമാരാണ് ' എന്നു തുടങ്ങുന്ന പ്രതിജ്ഞ മലയാളത്തിൽ മിറർ ഇമേജിലെഴുതിയാണ്ഷെറിൻ റെക്കോഡ് ബുക്കിൽ ഇടം നേടിയത്. നിലവിലുള്ള റെക്കോഡ് 2 മിനിട്ട്.41 സെക്കന്റ് എന്നത്ഇടതു കൈ കൊണ്ട് 2. മിനിട്ട് 36 സെക്കന്റിലെഴുതിയാണ്  റെക്കോർഡ് തിരുത്തിയത്.. സഹോദരിഷോണ സാറ ഷാജിയാകട്ടെ കേരളത്തിലെ 14 ജില്ലകളുടെ പേരുകൾ ഇംഗ്ലീഷിൽ 1 മിനിട്ട് 4 സെക്കന്റിൽ എഴുതി റെക്കാർഡ് മറികടന്നു.. 1 മിനിട്ട് 11സെക്കന്റ് ആയിരുന്നു നിലവിലുളളറെക്കോഡ്. വളരെ ചെറു പ്രായത്തിൽ തന്നെ മിറർ റൈറ്റിംഗിൽ ഇരുവരും പ്രാവീണ്യം നേടിയിരുന്നു...   . ഷെറിൻ മാവണ്ടിയൂർ ബ്രദേഴ്സ് ഹയർസെക്കണ്ടറി സ്കൂളിൽ ഒമ്പതാം തരത്തിലും ഷോണ ഏഴാംതരത്തിലുമാണ് പഠിക്കുന്നത്.

മേളകളിലെ വിജയം: ആഹ്ലാദ പ്രകടനവുമായി അരീക്കാട് എ എം യു പി സ്കൂളിലെ വിദ്യാർത്ഥികൾ

താനൂർ ഉപജില്ലാ മേളയിൽ ഉറുദു വിഭാഗത്തിൽ ഒന്നും  ജനറൽ വിഭാഗത്തിൽ രണ്ടും അറബി- സംസ്കൃത വിഭാഗങ്ങളിൽ മൂന്നും സ്ഥാനം നേടിയതിൽ എഎംയുപി സ്കൂൾ അരീക്കാട് ആഹ്ലാദ പ്രകടനം നടത്തി. വാദ്യഘോഷ അകമ്പടിയോടും വിവിധ വേഷവിധാനത്തോടും കൂടി  ഇട്ടിലാക്കൽ അയ്യായ റോഡിൽ നിന്നും  ആരംഭിച്ച വിജയാഘോഷ യാത്ര സ്കൂൾ മൈതാനത്ത് അവസാനിച്ചു.  പ്രധാന അധ്യാപിക സുധാകുമാരി, പിടിഎ പ്രസിഡണ്ട് പി.ടി ഷാജി, അധ്യാപകരായ ടി.പി റഹീം, സാഹിർ എം.സി, ടി. റഹീം, ബാസിമ, മിഥു മോൾ, സനീബ് കെ, സാബു, നഹാസ്, ഷാനിൽഎന്നിവരോടപ്പം ആയിരത്തോളം വിദ്യാർത്ഥികൾ,  രക്ഷിതാക്കൾ, പൂർവ്വ വിദ്യാർത്ഥികൾതുടങ്ങിയവർ  പങ്കാളികളായി.

ഒന്നര വയസുകാരൻ ദ്യുതിക്കിന് ഇന്ത്യ ബുക്ക്‌ ഓഫ് റെക്കോർഡ്

എടപ്പാൾ: കോലൊളമ്പ് സ്വദേശിയായ ഒന്നര വയസുകാരൻ ദ്യുതിക്കിന് റെക്കോർഡ് നേട്ടം. കോലത്തു സ്വദേശിയായ വിഷ്ണു വേണുഗോപാലിന്റെയും അഞ്ജലിയുടെയും മകനായ ദ്യുതിക്.വി36 പക്ഷികൾ, 25 പഴങ്ങൾ, 20 പച്ചക്കറികൾ, 25 പ്രവർത്തന വാക്കുകൾ, 18 പ്രൊഫഷണലുകൾ, 23 മൃഗങ്ങൾ, 19 പൂക്കൾ, 24 വാഹനങ്ങൾ, 10 രൂപങ്ങൾ, പതാകകൾ, 24 രാജ്യങ്ങൾ, 13 നിറങ്ങൾ, 15 സ്വാതന്ത്ര്യ സമര സേനാനികൾ, ശരീരത്തിന്റെ 12 ഭാഗങ്ങൾ, 88 ക്രമരഹിത വസ്തുക്കൾ, A – Z-ൽനിന്നുള്ള അക്ഷരമാലയിലെ അക്ഷരങ്ങൾ 26 എന്നിവ തിരിച്ചറിഞ്ഞതിന് അഭിനന്ദനം അർഹിക്കുന്നറെക്കോർഡ് കരസ്തമാക്കിയത്. നേട്ടം കൈവരിച്ചതോടെ നാട്ടുകാരിൽ നിന്ന് അഭിനന്ദനപ്രവാഹമാണ് ഈ മിടുക്കനെ തേടിയെത്തുന്നത്. 

ഉപജില്ലാ സംസകൃതോത്സവം വിജയചരിത്രം രചിച്ച് വട്ടംകുളം CPNUP സ്കൂൾ

എടപ്പാൾ: എടപ്പാൾ ഉപജില്ലാ യു പി വിഭാഗം സംസ്കൃതോത്സവത്തിൽ വിജയചരിത്രം രചിച്ച് വട്ടംകുളംസി പി എൻ യു പി സ്കൂൾ കഴിഞ്ഞ 40 വർഷമായി യു പി വിഭാഗം സംസ്കൃതോത്സവത്തിൽഓവറോൾ. ഒന്നാം സ്ഥാനം നിലനിർത്തി വിജയക്കുതിപ്പ് തുടരുന്നു ഈ വർഷം മത്സരിച്ച 18 ഇനങ്ങളിൽ 17 എണ്ണത്തിലും A ഗ്രേഡ് നേടി ആകെ തൊണ്ണൂറിൽ 88 പോയിൻ്റ് നേടി വിജയംഉറപ്പിച്ചു കുട്ടികളുടെ മികവാർന്ന കഴിവും' സംസ്കൃതാധ്യാപിക കാഞ്ചന ടീച്ചറുടെ നേതൃത്വത്തിൽചിട്ടയായ പരിശീലനവും നൽകിയാണ് തുടർ വിജയം നേടാൻ കഴിഞ്ഞത് മുൻ കാലസംസ്കൃതാധ്യാപകൻ പി എൻ ഭവത്രാതൻ മാസ്റ്ററുടെ നേതൃത്വത്തിൽ തുടങ്ങി വെച്ച ജൈത്രയാത്രഇന്നും തുടരുന്നു വിജയം നേടിയ കുട്ടികളെ സ്കൂളിൽ ഉപഹാരം നൽകി അനുമോദിച്ചു. പിടിഎപ്രസിഡൻ്റ് എം എ നവാബ് ഉദ്ഘാടനം ചെയ്തു ഹെഡ്മിസ്ട്രസ് സി ലളിത അധ്യക്ഷത വഹിച്ചുകാഞ്ചന ടീച്ചർ ഉപഹാരം നൽകി സജി സി.നാരായണൻ കെ എം. ഗീത വി കെ മുഹന്മദാലി ശ്രീദൻകെ എൻ ഹരിശങ്കർ നസീമാബി കെ വി. സിൽജിജോസ് ഷാലി കെ.അബൂബക്കർ ഷനി ബ കെ വി. സൈനുദ്ദീൻ സി കെ മണികണ്ഠൻ.രമ്യ സുരേഷ് ഇ പി എന്നിവർ പ്രസംഗിച്ചു 

*ദേവികയെ ആദരിച്ചു*

കപ്പൂർ: കാലിക്കറ്റ്‌ യൂണിവേഴ്സിറ്റി എം എ സോഷ്യോളജിയിൽ ഒന്നാം റാങ്ക് കരസ്ഥമാക്കിയ വി. ദേവികയെ ബിജെപി കാഞ്ഞിരത്താണി ബൂത്ത്‌ കമ്മറ്റിയുടെ നേതൃത്വത്തിൽ ബിജെപി മണ്ഡലംപ്രസിഡന്റ്‌ ദിനേശൻ എറവക്കാട് ആദരിച്ചു. രതീഷ് തണ്ണീർക്കോട്, നാരായണൻ വി വി,മണികണ്ഠൻ പി രാധാകൃഷ്ണൻ പി, സുരേന്ദ്രൻ ടി വി, പ്രേമൻ കാഞ്ഞിരത്താണി, ബാലചന്ദ്രൻ പി തുടങ്ങിയവർ ചടങ്ങിൽ പങ്കെടുത്തു. 

കുറ്റിപ്പുറം എം ഇ എസ് എഞ്ചിനീയറിംഗ് കോളേജിൽ ഇരുപത്തി ഒൻപതാമത് ബാച്ചിന് തുടക്കം* 

കുറ്റിപ്പുറം: എം ഇ എസ് എഞ്ചിനീയറിംഗ് കോളേജിൽ പുതിയ ബാച്ചുകൾ ആരംഭിച്ചു. ഇരുപത്തിഒൻപതാമത് ബാച്ചിന്റെ ഉദ്ഘാടനം ഡോ. കെ ടി ജലീൽ എം എൽ എ നിർവഹിച്ചു. ഏത് കോഴ്സ് പഠിക്കണം എന്ന്തീരുമാനിക്കേണ്ടത് ആത്യന്തികമായി കുട്ടികൾ തന്നെയാണ് എന്നും, തൊഴിൽ ക്ഷമത നേടാൻവിദ്യാർത്ഥി  വിദ്യാർത്ഥിനികൾ ശ്രമിക്കേണ്ടതാണ് എന്നും അദ്ദേഹം പറഞ്ഞു. ചടങ്ങിൽ മലപ്പുറം ജില്ലാഡെപ്യൂട്ടി എക്സ്സൈസ് കമ്മിഷണർ താജുദീൻ കുട്ടി ജെ മുഖ്യ പ്രഭാഷണം നടത്തി. ഭരണഘടനയുംനിയമങ്ങളും ശരിയാം വിധം മനസിലാക്കി സഹവർത്തിത്വത്തോടെയാണ്  ജനങ്ങൾ ജീവിക്കേണ്ടത്എന്ന് അദ്ദേഹം ഓർമപ്പെടുത്തി. ലഹരി വസ്തുക്കൾ ജീവിതത്തിൽ ഒരിക്കലും ഉപയോഗിക്കരുതെന്നും അദ്ദേഹം കൂട്ടിച്ചേർത്തു. എം. ഇ. എസ് ജനറൽ സെക്രട്ടറി കടവനാട് മുഹമ്മദ്, കോളേജ് സെക്രട്ടറി കെ. വി. ഹബീബുള്ള, ട്രഷറർ എ. ജബ്ബാറലി, ജോയിൻ്റ് സെക്രട്ടറി സി.പി മുഹമ്മദ് എന്നിവർ ആശംസകൾ അർപ്പിച്ചു. പ്രിൻസിപ്പൽ ഡോ. റഹ്മത്തുന്നിസ ഐ. അധ്യക്ഷത വഹിച്ച പരിപാടിയിൽ   ഡോ. സജീർ കാരാട്ടിൽ സ്വാഗതവും ഡോ. സുനീഷ് പി. യു. നന്ദിയും പറഞ്ഞു.

തൃത്താല ഉപജില്ല സ്കൂൾ കലോത്സവം ; സ്വാഗത സംഘം രൂപീകരിച്ചു 

ചാലിശ്ശേരി: തൃത്താല ഉപജില്ല സ്കൂൾ കലോത്സവം ചാലിശ്ശേരി ഗവ.ഹയർ സെക്കന്ററി സ്കൂളിൽവച്ച് നടക്കും. നവംബർ 16 മുതൽ 19 വരെ നടക്കുന്ന കലോത്സവത്തിന്റെ സ്വാഗത സംഘംരൂപീകരിച്ചു. സ്കൂളിൽ നടന്ന യോഗം ബ്ലോക്ക് പഞ്ചായത്ത്‌ പ്രസിഡന്റ് അഡ്വ.വി.പി റജീനഉദ്ഘാടനം ചെയ്തു.     പി.ടി.എ വൈസ് പ്രസിഡന്റ് കെ.ബാബു നാസർ അദ്ധ്യക്ഷത വഹിച്ച പരിപാടിയിൽ ചാലിശ്ശേരിഗ്രാമപഞ്ചായത്ത്‌ പ്രസിഡന്റ് എ.വി സന്ധ്യ, ബ്ലോക്ക് പഞ്ചായത്ത്‌ വൈസ് പ്രസിഡന്റ് പി.ആർകുഞ്ഞുണ്ണി, പഞ്ചായത്ത്‌ വൈസ് പ്രസിഡന്റ് സാഹിറ ഖാദർ, ജില്ലാ പഞ്ചായത്തംഗം അനു വിനോദ്, ബ്ലോക്ക് പഞ്ചായത്ത്‌ മെമ്പർ ധന്യ സുരേന്ദ്രൻ, പഞ്ചായത്ത്‌ വികസന സ്ഥിരം സമിതി ചെയർമാൻഹുസൈൻ പുളിയഞ്ഞാലിൽ, ക്ഷേമകാര്യ സ്ഥിരം സമിതി ചെയർപേഴ്സൺ നിഷ അജിത് കുമാർ, ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്സൺ ആനി വിനു, മറ്റ് പഞ്ചായത്ത്‌ അംഗങ്ങൾ, തൃത്താല ഉപജില്ല വിദ്യാഭ്യാസ ഓഫീസർ സിദ്ധീഖ്, ഹയർ സെക്കന്ററി പ്രിൻസിപ്പൽഡോ.മുരുകദോസ്, ഹൈസ്‌കൂൾ പ്രധാനാദ്ധ്യാപിക ടി.എസ് ദേവിക, മറ്റ് കലാ സംസ്കാരികസംഘടനാ പ്രതിനിധികൾ, സാമൂഹിക രാഷ്ട്രീയ സംഘടനാ പ്രതിനിധികൾ തുടങ്ങിയവർപങ്കെടുത്തു.